TVB年度盛事《萬千星輝頒獎典禮2022》喺噚晚（8日）圓滿舉行，今屆TVB邀請多位重量級明星擔任頒獎嘉賓，當中包括事隔13年重返TVB嘅郭可盈，佢除咗成為傳媒嘅焦點對象之外，唔少網民亦非常興奮，紛紛留言大讚佢保養得宜。
仙氣十足保養得宜
《萬千星輝頒獎典禮2022》頒獎嘉賓陣容強勁，當中包括負責頒發「最受歡迎電視男角色」及「最佳男主角」嘅郭可盈和呂良偉，二人再次聚首一堂，不禁令觀眾聯想起2009年劇集《富貴門》。52歲嘅郭可盈噚晚以一條香檳金色晚裝登場，佢除咗仍然仙氣十足之外，身形及外貌都keep都好好，拍住當家花旦及小花真係一啲都唔輸蝕。網民們紛紛留言大讚佢，留言「郭可盈keep得勁好」、「keep 得好好」、「郭可盈仲好靚」、「郭可盈靚到」、「郭可盈好後生」及「真係好靚女」等等。
立即更新/下載AM730手機APP 體驗升級功能
