胡楓同羅蘭不時孖公仔出現，搞到曾一度瘋傳二人真的拍拖。
《妳不是她》昨日(2日)播出的一集講述胡楓(修哥)及羅蘭的「遲暮戀」。劇情講到羅蘭姐跟修哥在老人院發展地下情，最後因為家人發現他們的戀情，打算阻止之際，修哥表示想拍拖，接著畫面有他們遊電車河、在海旁浪漫共舞。為免招惹無謂事端，二人扮唔熟，但私下不時在院舍低調送心心兼「眉目傳情」。
同羅蘭拍拖唔夠喉
今日修哥與羅蘭姐出席宣傳活動時，劇組安排修哥送花給羅蘭，談到二人在劇中的角色時，修哥搞笑表示︰「喺戲當然係開心，唔得實際！只係做戲！唉！實際啲要拍拖啦！」羅蘭笑謂昨日劇情真的很像情侶，修哥笑謂真的很sweet，嫌唔夠喉要延續下去，問到是否真的重拾以前拍拖感覺，他說︰「咁又冇，延續落去係指我仲有得撈。」非常搞笑。
大會安排修哥送花俾羅蘭。
修哥想攬實羅蘭姐，可惜對方唔領情，寧要馮盈盈。
電車河拍拖出自修哥經歷
監製April坦言角色是為二人度身訂造，並以「追求愛情大歷險」七個字打動二人答應演出：「我哋度劇本嗰陣已經鎖定兩位前輩，當時我用追求愛情大歷險嘅主題嚟打動佢哋，聽完故仔後佢哋都相當開心同興奮。」April又指，遊電車河拍拖一幕更是修哥昔日拍拖時的親身經歷。
立即更新/下載AM730手機APP 體驗升級功能
