曾比特與XiX一齊到馬鞍山出席活動。
曾比特與女團XiX今日(26日)到馬鞍山出席商場聖誕活動，他們在活動上載歌載舞之餘，更與在場fans玩遊戲。Mike受訪時透露今個聖誕節將要四出登台，無法陪家人及女友過節，「如果有機會放假都好想帶埋屋企人去轉芬蘭睇極光，去聖誕村揾聖誕老人，感受吓外國嘅聖誕氣氛。」他指現階段先努力發展事業，目標是希望未來可以有更多作品，舉行個唱。
至於XiX說表示年尾將會出席不同頒獎典禮在即，會好好觀摩前輩們演出，從中再偷師。她們更笑謂：「今年願望好想挑戰出一隻充滿聖誕氣氛嘅歌，成為大家每年聖誕必聽嘅歌曲，我哋可以喺 MV 內Cosplay 聖誕老人、麋鹿或雪人都得，可滿足哂兒時夢想！」。
Eric Kwok𥄫實XiX
現場還有郭偉亮(Eric Kwok)，雖然曾比特是由他一手提攜，但到場主力是睇實XiX的表現。身為XiX經理人的Eric Kwok，每次都會跟足XiX的活動，事後更會跟她們來個賽後檢討，就算XiX只是在台上影相，Eric Kwok都不敢轉移視線，可見他非常著緊，他亦在IG更分享網民拍下的XiX現場片段。
Eric Kwok在場睇實XiX表現。