吳浩康(Deep)、郭思琳(Margiela)奉子成婚昨日註冊，Margiela已懷孕3個月，因疫情影響物流，Deep要在山邊執樹枝作婚禮布置，但毫無怨言，又對太太讚不絕口。
Deep稱婚前緊張到連續兩晚失眠，眼淺的他彩排時更流下男兒淚，更讚賞老婆Margiela有孝心：「 我太太好率直、好簡單，有乜就講乜，同佢相處唔使下下估，好嚮往同佢相處。佢唔止對父母好上心、好愛錫，對其他屋企人都好關心好照顧，欣賞佢對家庭呢個態度。」問到給太太幾多分？Deep笑言，「嘩！俾幾多分都唔夠喎，唔可以亂咁俾，不過一定係超過滿分。」
調整心態學做丈夫
Deep坦言要重新調整心態，學習做丈夫，「無論係相處、對事件嘅睇法、價值觀都唔同咗，而家變得謙卑咗。過往當大家溝通有問題時，會覺得『喂！你唔明白我。』而家會調番轉，『可能有啲嘢我唔知呢。』需要重新去學，希望可以幫到個關係。」除了成為「人夫」，亦快將成為爸爸，問到首胎是仔定女，Deep表示要保持神秘感暫不透露，但仔女都鍾意。
Deep又透露老闆楊受成有送大利是給BB，「楊生話會封大利事俾我個B，其實收到老闆嘅祝福已經好開心啦，佢照顧咗我二十年，係我半個爸爸。」
Deep透露，老闆楊受成有送大利是給BB，又指收到老闆祝福已經好開心。
Margiela稱，婚後太多事情要去學習，尤其要學做一個好太太、好媽媽。