Ray Online｜田北辰稱歌神許冠傑教他做議員　學懂每事問

歌神許冠傑最近開演唱會，實政圓桌立法會議員田北辰唔單止捧場，仲自爆係許冠傑教佢做議員㗎喎，因為佢最鍾意許冠傑首飲歌《每事問》，教識佢喺立法會無論乜嘢大大小小嘅事，都要每事問。

田北辰噚晚喺社交網站分享同個女喺演唱會上嘅自拍，話每個人心中都有一個歌神，佢呢個年紀嘅「後生仔」心中，相信就一定係永遠唔會老嘅歌神許冠傑。佢大讚許冠傑啲歌詞好正面勵志，佢最鍾意就係《每事問》，簡簡單單幾句歌詞就唱出咗佢對每一個小朋友必講嘅說話，亦係佢嘅人生座右銘。

許冠傑演唱會是復活假重頭戲

為咗欣賞心目中嘅歌神演唱會，田北辰話噚日下晝喺成都返到香港，一沖完涼即刻同個女同女婿，再出發去睇演唱會，就係佢復活假嘅重頭戲啦。