網上熱話｜的士乘客Call車加10元「貼士」求先去公廁　網民：急到行唔到

的士乘客千奇百怪，有的士司機近日在Facebook群組「的士司機資訊網 Taxi」發文分享一則趣事，並貼出一張接單截圖，指有乘客要求由灣仔駱克道前往杏花新城，註明是「千足金」訂單，意即會按咪錶金額給予全費，毋須折扣。

付10元「貼士」要求先到公廁

不過，該名乘客在備註欄中提出另類要求，表明會另付10元「貼士」，要求額外增加中途站，「我想(去)廁所，車咗去最近公廁先」，待解決需要後才繼續駛至目的地，的士司機笑言，相關訂單是「近期見過最癲嘅要求」。

而該名的士司機在完成該宗訂單後，再在群組貼文中更新，指涉事乘客並非惡作劇或醉酒，上車前更透過程式，預先提供公廁位置，「可能佢真係好急，佢自己都已經搵埋個公廁位置畀我」，形容是少有的有趣經歷，「佢都好有禮貌，但覺得幾搞笑」。

網民笑言：急到行唔到

帖文引來網民熱議，有網民笑言，「睇嚟佢急到行都行唔到」、「錢解決到嘅問題就唔係問題」、「駱克道條街咁長都搵唔到廁所？」另外，亦有的士同業留言同分享古怪經歷，「一程車要去三次公廁都玩過」、「我試過在屯門公路，停埋一邊畀個客屙尿，佢話就嚟要瀨」。