黃博奪冠、張與辰獲得亞軍，劉洋就得季軍。(吳康琦攝)
《中年好聲音3登峯之戰》結果出爐，由黃博奪得冠軍，張與辰獲得亞軍，劉洋就得季軍。黃博過去比賽表現都不錯，但來到總決賽不及劉洋突出，不少網民得知賽果之後，大為失望，並留言︰「咁難聽都冠」、「痴線 黃博慢歌最高？」、「造馬」、「下 劉洋今日表現贏X哂」、「小豬見X到個結果都o咀」、「兩首歌難聽到傻，然後你同我講佢冠」、「以全晚表現真心覺得劉洋應該係冠軍」。
小豬O咀
由於分數列出大屏幕時，劉洋在快歌是最高分的一位，但當加埋觀眾票數之後，黃博反超前，到最後大會加上慢歌的評審分數，黃博成為最高分一位，亦是《中年好聲音》系列首位女冠軍，她的老公更激動跪地。此時鏡頭亦有拍下評審的表情，當時見到肥媽O咀，而小豬不但表現O咀，更一面驚訝要問在旁的海兒，似乎對賽果大感意外。
網民︰真係值得冠軍
網民雖然不滿黃博今晚表現欠佳，有人留言說︰「雖然今日博真係唔係唱得最好個個！ 但由第一集走到今日咁多集去計，最多mvp，最多90分以上的成績，佢真係值得冠軍law! 恭喜博博」、「咁計埋過去表現俾亞博都ok既」
網民見劉洋笑得如此開心，留言說︰「劉洋傻更更咁，冠軍更加係屬於佢。」
張與辰得亞軍。
amjetso 20周年大激賞│請你嘆香港迪士尼樂園酒店及迪士尼探索家度假酒店餐飲美饌
