五索搭飛機坐經濟艙黑面咆哮。
網紅「五索」鍾睿心(Rachel)與大生銀行主席馬清鏗愈愛愈高調，最近她已多次在短片不避嫌公開與馬先生的甜蜜生活點滴。向來愛炫富的五索近日與幾位同事飛成都，不過卻被同事安排了坐經濟艙機，她嬲爆表示：「同搭巴士冇分別呀！」五索在社交網分享短片，片中見她與同事在機埸準備check in時，才發現同事因為航班時間及冇位問題，幫她訂了經濟艙，五索得知後即埸反白眼黑面，並表示：「我唔拍住啦！ 我應該有廿年冇坐過經濟艙。」五索立即嘗試Upggrade去商務，卻不成功，她續向同事說：「你覺得我應唔應該炒咗你！仲要冇Online揀定位，我哋要分開坐！我已經好忍耐，如果係馬先生咁做，佢人頭已經落咗地！」
五索續指平時於機場坐哥爾夫球車，但今次卻要坐接駁列車，她更拍底置身在經濟艙的情況，見五索夾在兩位陌生男子中間，全程厭世樣，五索落機後咆哮表示：「我要殺死我同事！頭先我同嗰個人距離，我直頭掂到佢隻腳，唔係掂到佢隻手，左右兩邊都係其他人嚟㗎！同搭巴士冇分別呀！」網民都指五索的短片充滿喜感，相當搞笑。
立即更新/下載AM730手機APP 體驗升級功能
