今集嘉賓是《超級巨聲》劉威煌及《中年好聲音2》冠軍古淖文，主題是「張國榮特輯」。
無綫清談+音樂節目《今晚有歌廳》，請來《超級巨聲》劉威煌及《中年好聲音2》冠軍古淖文。今集主題是「張國榮特輯」，已故22年的「一代巨星」哥哥，於1984年《星光熠熠勁爭輝》中，一人分飾兩角，上演雌雄同體的「鴛鴦舞王」演出，前衛大膽，成為經典之中的經典，可見哥哥對舞台和每一個細節的無限用心。
說到哥哥對自己舞台的用心，周國豐憶述哥哥編排演唱會歌單的小心思，分享自己與哥哥傾偈時曾透露：「佢每一次度演唱會rundown未必會選擇好冷門嘅歌去唱，佢話佢計rundown嘅時候通常每20分鐘製造一個小高潮。」
]哥哥一叫葉德嫻 梅艷芳 莫文蔚即埋位拍反吸煙電影
黃劍文亦談到喜歡哥哥張國榮的原因：「我喜歡哥哥係因為佢《金枝玉葉》裏面嘅歌，我好鍾意有一幕就係《今生今世》兩公婆鬧交唱呢首歌自彈自唱同佢講道理。」顏米羔：「我自己就係鍾意佢嗰個低音，去draw到我去聽佢嘅歌，聽其他人唱都唱唔到佢呢個味道。」周國豐形容哥哥的聲音：「感性又性感。」顏米羔更分享曾有幸與哥哥見面，事緣顏米羔就讀香港演藝學院電影電視系時探班《異度空間》，顏米羔說：「佢拍緊《異度空間》喺泳池嗰場，見過一次，雖然喺洗手間度。」顏米羔感嘆：「打招呼好溫柔。」
周國豐聞言後即分享自己與哥哥張國榮的難忘合作，特別提到哥哥在2000年自編自導《煙飛煙滅》時，展現出「三大勁位」—首先是「執行力勁」，周國豐分享到：「佢有好多idea喺個腦裏面，於是出現一個情況，凌晨點幾會打俾你諗到咩idea，之後朝頭早6點又打俾你，但係你唔可以唔聽佢電話囉。」周國豐感嘆：「諗完之後最勁係會立即執行。」第二是「準備功夫勁」，周國豐：「佢每一場戲之前，會自己一個人去到嗰個場景度睇晒個場先，就調返轉頭話返俾工作人員聽嗰一場係點。」
第三則是「人脈勁」，周國豐分享嗰一部反吸煙電影入面有好多好勁的演員陣容，譬如葉德嫻、梅艷芳、莫文蔚、梁詠琪等等。周國豐：「佢個一咋casting開會之後，我哋要唔使錢喎，公益片嚟㗎嘛，車馬費都冇㗎，哥哥聽完呢句之後，打咗大概6、7個電話就confirm咗呢一咋casting。」
ADVERTISEMENT
立即更新/下載AM730手機APP 體驗升級功能
