任達華今日（30日）出席「潮人企業家協會第十二屆會董就職典禮」活動。（蘇文傑攝）
任達華今日（30日）出席「潮人企業家協會第十二屆會董就職典禮」活動，他接受訪問分享女兒任晴佳的近況：「佢讀緊大學第二年，仲要讀多一年先畢業。希望佢唔好咁快長大，可以多啲陪我。」至於是否會希望女兒畢業後找尋工作給予家用，他說：「佢有佢嘅諗法嘅，最緊要佢覺得開心就得啦！」提到許多星二代都入行發展演藝事業，他指女兒非常享受讀書的樂趣：「佢好鍾意AI，亦都好鍾意一啲大世界觀，尤其數學都好鍾意，我覺得都係佢嘅選擇，只要佢覺得適合同埋鍾意，完全保持一個開放嘅態度。」他繼續指女兒非常喜歡AI，並表示：「已經諗緊屋企係咪有啲機械人可以研發？而家都有好多機械人，喺杭州都可以打Boxing。」他特別感謝女兒讓他啟發到要學習AI的知識。
任達華、陳家樂、霍汶希和英皇集團主席楊受成女兒楊玳詩一起出席活動。（蘇文傑攝）
任晴佳傳繼承父親30個房產
被問到有傳女兒畢業後將繼承30多個海內外房產，他直言：「冇啲咁嘅事。呢個有佢自己嘅選擇。」至於未來會否考慮把所有物業留給女兒，他說：「呢個當然。（多唔多物業？）唔多物業。」講到有否為女兒購買任何物業，他回應：「佢都選擇咗有一啲好好嘅公司。」至於女兒現階段是否已經擁有物業，他直言：「呢樣嘢我唔知。總之全部嘅嘢都係太太決定。」
任達華與女兒任晴佳。
立即更新/下載AM730手機APP 體驗升級功能
