伍姑娘在現場拍足10個鐘，一點怨言也沒有，非常專業。
伍詠薇(伍姑娘)獲邀擔任馬百良六寶靈芝代言，日前她到葵涌拍攝宣傳片及硬照，為了縮短團隊的拍攝時間，伍姑娘連踩10小時工作，不少鏡頭更一take過完成，表現專業：「我哋呢啲前輩級，拍劇拍戲連踩10個鐘係起碼，所以冇問題。」
多年來，伍姑娘無論外型都保持最佳狀態，她直言是心態：「每個人都會話，要飲食均衡、健康，但係我覺得出發點係心態。好似今日嚟拍廣告，你開心，呢10個鐘就好快過。」既可以開懷大笑又可以高貴，又懂得享受人生，問伍姑娘是否人生勝利組，她笑稱：「如果失敗，我唔覺得係loser，又唔覺得自己係winner，喺中間我覺得自己係享受嘅，有時輸下又好開心，永遠會留啲空間俾自己，上得太高，我怕自己翻唔到轉頭。」
健康心態 保持最佳狀態
近年愈多愈多人選購營養補充品，伍姑娘說：「細個嗰陣乜都唔理，青春燃燒緊嘛，到30歲開始，先接觸營養補充品，其實係緊要㗎，要堅持。」她指現時有很多選擇，自己會從成份着手。入行多年的伍姑娘，還有甚麼目標，她指每個階段有不同嘗試：「我好享受做啲同自己性格唔同嘅人，我有時間就去睇戲、睇書，出街嗰陣望吓人，喺人哋度『偷嘢』，拍戲嗰陣隨時攞嚟用。」
YT大哥(周殷廷)、Tyson Yoshi、陳蕾、Gin Lee、張敬軒及Dear Jane等都是她平日有留意的：「我好多元化㗎，咩歌都會聽，仲有伍詠薇囉！雖然我冇Gin Lee咁勁，但係我有我風格，其實我都幾鍾意唱歌。幾年前已經有人邀請我搞Mini Concert，我覺得需要一個時機，同埋主題好緊要，我為咩搞呢個音樂會呢？我會思考吓，但係又唔好思考太耐，再等就89歲啦，我都想可以快啲發生。」
ADVERTISEMENT
