陳豪、張曦雯等一齊宣傳新劇《俠醫》。(娛樂組攝)
陳豪、張曦雯(Kelly)等今日(11日)到長沙灣出席《俠醫》宣傳活動，眾人更齊齊玩射箭。陳豪示範上來有板有眼，他表示全因獲黃天賜教授指導，由於劇中的角色是以他為藍本，所以自己的射箭方法全都跟足對方，而教授玩的方法有別現代射箭，比較傳統，更獲對方送了一把弓。Kelly坦言對射箭認識不多，要射中的話就比較困難，認為力度及準確度仍有待進步，自己拍攝時也因為用錯力而擦傷手臂。
提到陳豪近日被揭月花逾10萬租住鴨脷洲南灣的2,200呎複式單位，他搞笑說︰「大家又要知我財政狀況呀？等我話俾大家知！我係唔會話你知！哈哈哈哈！」他表示沒有限制老婆分享家中環境，「我哋又無要咩，一向都好透明，依家有小朋友，屋企有開心嘢同大家分享下。」提到他應承太太陳茵媺一年一次二人世界去旅行，他說︰「我都有同其他老公講，大家都要咁做，係要花啲時間做啲二人世界、夫妻之間做嘅嘢。夫妻、父母、同小朋友係另一樣嘢，我好深信呢樣嘢，夫妻之間要有愛，屋企環境先有愛，有愛之下，小朋友生長，笑容就會見到陽光，我係咁諗。」
陳豪分享夫妻之道。(娛樂組攝)
問到他有沒有試過因為太忙，未能兌現承諾，他說︰「都唔係兌現唔到，係delay，個plan係存在，有試過要下一年先可以，但出得我把口，就一定做得到。放心！我唔會甩底嘅！」至於他們會去哪些地方，陳豪表示要看行程內容，如近的會考慮去日本、韓國，瑞士亦是他們想去的地方之一。他又指小朋友大得快，「好快就拍下屁股走，到時得番我同Aimee，到時有更多地方可以去。」談到會否重遊定情的地方，在旁的Kelly說︰「TVB！」陳豪笑到彎腰，並指這個地方太近，任何時間都可以去。
