梁祖堯、湯駿業、邵美君和岑寧兒在《偷偷記得》記者會上，分享回憶碎片。
風車草劇團完成《Di-Dar音樂劇場》(Comeback)的演出後，大台柱梁祖堯、湯駿業(AhDee)及邵美君火速投入全新的絮語音樂劇場《偷偷記得》，並請來首度參演舞台劇的岑寧兒(Yoyo Sham)加盟，以治愈歌聲細訴回憶的故事。AhDee分享今次再做音樂劇場的原因，他說：「我哋想用好多我哋成長裡面耳熟能詳嘅廣東歌，呢啲歌曲會勾起大家某個時期自己嘅某一些回憶，我哋亦想保留歌曲對大家嘅衝擊，做音樂劇場相對可以有多啲變化。」此劇將於11月28日起假葵青劇院演藝廳舉行，早前的預售門票迅速售罄，門票將於今已在POPTICKET撲飛公開發售
《偷偷記得》圍繞埋藏內心、偷偷記得的回憶碎片，Yoyo回想在加拿大升學的日子，「我成日都會偷偷記得好自由自在、無拘無束嘅揸車感覺。嗰陣仲會喺車裡面播CD，加上車廂係一個好私人嘅空間，我可以勁大聲唱歌，所以我好掛住揸車聽歌呢件事。」音樂劇由Mike Orange擔任音樂總監，Yoyo曾與Mike在音樂上合作，今次首度在劇場上相遇，「因為我好少同佢交流過喺劇場嘅經驗，但我相信佢好能夠同兩樣咁唔同嘅語言溝通。」阿君亦表示：「之前亦試過為劇情而創作新歌，過程係好好玩，我哋亦試過揀廣東歌重新編製，每次都聽到起雞皮，好多驚喜。」
阿祖憶起已離世的外婆：「我會諗起同一啲已經唔喺度嘅屋企人嘅相處點滴，明明係甜蜜、開心回憶，但一想起總會好懷念佢，好似已離世嘅婆婆送我嘅手鏈，我連戴住佢都唔捨得，而家只會袋住佢、紀念佢。」AhDee則道：「講起回憶，我就會諗起聖鬥士星矢，因為星矢影響咗我成個人嘅性格，覺得好多事情肯努力，燃起小宇宙，就可以改變呢個世界，就會有奇蹟發生。我而家仲有星矢嘅紅白機遊戲帶，每次見到都會諗起讀緊書，仲係傻更更，覺得乜都有可能嘅自己。」阿君的是想起已移民的妹妹，「佢曾經送我一件背心，上面有佢親手畫嘅鮮花圖案。妹妹好鍾意送我手作禮物，亦總會提醒我，要記得身邊好平凡嘅小事情、小確幸。」
ADVERTISEMENT
🥮請你食皇玥經典流心雙輝月餅🥮
👇🏼立即登記參加👇🏼
