Yoyo和Alice清晨5時多便出發睇日出。
葛綽瑤(Yoyo)和許寶恆(Alice)主持的《偽鐵膠遊九州》今晚(28日)播出的第九集，兩位主持來到長崎縣島原市，前往可以看到最美日出的火車站——大三東駅。天未光，兩位女生清晨5時多便出發，望見一覽無遺的海景，配上淡粉紅色的唯美日出，Yoyo分享：「我唔係第一次睇日出，但今次係由粉紅色開始係第一次，之前好快就橙色。」Alice回應：「勁靚勁少女，我仲要勁鐘意粉紅色，我勁開心。」
炒咖啡豆似做健身
Alice和Yoyo亦第一次在野外炒咖啡豆，由當地「焚火達人」田中亮太手把手教導，Yoyo聞到柴火味時：「聞到呢浸味好想BBQ啊突然間。」Alice笑言：「你淨係掛住食。」導師指二人需要把咖啡豆搖15分鐘，Alice驚訝：「哇！唔簡單喎。我覺得依個係一個好好嘅健身運動。」及後，二人各自品嚐親自炒的咖啡豆，Yoyo問Alice：「你飲開咖啡會唔會唔同呢？」Alice回應：「好香！好好食啊！後尾佢個咖啡味好重，所以會蓋過咗啲煙燻味，沖咗出嚟味道應該會再勁少少。」
立即更新/下載AM730手機APP 體驗升級功能
