出爐金像男配朱栢康自言冇藝人包袱。
朱栢康憑《破·地獄》勇奪金像獎最佳男配角，問到拿奬後有什麼慶祝活動，他說：「可能嚟緊會同啲朋友食吓飯慶祝，但都要收拾心情投入劇組。攞獎後希望拍多啲廣告，多啲贊助吓啲裇衫，因為藝人買衫其實都花費好大㗎！」
朱栢康直言藝人買衫花費大，盼多有服飾贊助。
言猶在耳，朱栢康為男士服裝品牌拍攝的白恤衫的廣告剛上線，他大騷Fit爆身形，他坦言為「演員路」不時操練，「流過幾多汗，觀眾未必知，但我自己知道。背後有汗，有痛，有無數次重來。」榮升金像獎男配，朱康自言冇藝人包袱，平時喜歡簡約配搭：「因為拍戲就會有戲服啦，所以平時都好簡約，一件恤衫比人感覺斯文、有活力就可以，始終成長後都唔可以太求其，我試過有次做完運動突然要去試鏡見導演，本身得件背心、牛仔褲，好在車尾一直都有擺件恤衫傍身，咁就簡約得嚟唔失禮！」
朱栢康不時演員路操練，背後歷過多次推倒重來。
朱栢康笑言著衫自信很重要，他分享道：「以前著衫真係好簡單，舒服至上，但近年去多咗隆重場合，依家都識得因應不同場合擇啱嘅衫着，我發現『透氣快乾』嘅衫真係好重要，因為現場啲燈都幾熱，自己又有啲緊張，但要扮晒型唔比人知出汗，所以依家我會識揀著咩衫！」
【立即參加】送Rollink全球最輕薄可摺疊手提行李箱🧳！
