2025-08-23 16:15:00

吳文忻左胸腫瘤大咗又好硬末期乳癌細胞化驗公立私院不同

吳文忻昨日在IG上載影片，見到她身上插了多條輸送液用喉管。她表示授權了私家醫生，用2月尾在瑪麗醫院抽針的細胞做化驗，發現同一個细胞，在私家和政府瑪麗驗出來的報告是截然不同。

她指醫生驗出來是三陰乳癌，「如果係三陰，係應該用PDL1隻藥去應付它，但是瑪麗醫院驗咗兩次出來都話不是三陰乳癌，又不是完全係荷爾蒙，所以冇乜藥target佢，只係用住化療藥先。而最近喺醫院驗血報告，癌指數係下跌嘅，但係呢一個月我係摸到個腫瘤係大咗好多同好硬，所以我都真係好無奈……! 唯有做住啲冇副作用而又增強免疫力和強力消炎的治療，睇吓現在摸到又大又硬嘅腫瘤會唔會縮細返！」

吳文忻稱自己接受高濃度維他命C注射注之後，腫瘤有收細的情況，於是與醫生相討療程。

吳文忻曾與醫生傾談，會做一個持續三個月的測試報告，希望透過測試找出治療方案，幫助癌症病人有不錯的輔助治療。她說：「做一個三管齊下，持續三個月的功能醫學抗癌副助治療報告testimonial ，透明地向大家公布，睇吓呢個方案，會唔會係一個對癌症病人的一個不錯的輔助治療。」她亦於今日（23日）早上開直播，除了交代病情外，亦請來醫生一齊討論今次治療的方案。