呂頌賢傳回歸TVB拍笑傲江湖 網民點名何美鈿望再續經典
59歲呂頌賢憑90年代TVB版金庸劇《笑傲江湖》「令狐沖」一角為人熟悉，亦被指係多年來「令狐沖」角色嘅最佳人選，曾於內地真人騷《無限超越班》重現經典「令狐沖」造型，被讚保養得宜，神還原經典。呂頌賢近年長駐內地發展，早前更於橫店監製兼演出微短劇《無名江湖》；適逢TVB宣布與騰訊視頻合作重拍金庸經典《笑傲江湖》，因而傳出呂頌賢將回歸TVB拍劇，網民亦紛紛點名當年飾演「小師妹儀琳」嘅何美鈿，更有網民翻出96版嘅劇照，激讚呂頌賢和何美鈿CP感十足，希望二人再續經典。
離開TVB後全身投入潛水運動及積極進軍內地飲食界
其實呂頌賢當年離開TVB後，全身投入潛水運動，擔任潛水教練考核官，直至2005年賴水清導演搵佢到國內拍秦嵐主演嘅《繡娘蘭馨》，因而認識到國內經理人，於是將工作重心移返內地。呂頌賢亦積極進軍內地飲食界，現經營7間素食餐廳。因此，呂頌賢是否回巢TVB及出演《笑傲江湖》仍存在各種未知之數。
原文刊登於 Yahoo 娛樂圈
