周吉佩接受黎莉訪問。
歌手周吉佩（吉吉）日前到新城廣播接受黎莉主持的《勁爆樂勢力》錄音訪問，宣傳跳唱新歌《GUTS》。繼對上一首輕快歌《Falling for you》要跳舞後，今次吉吉首次挑戰勁歌熱舞，除了粉絲給他動力，最主要是希望帶給大家新鮮感。
周吉佩展示應援會TEE。
吉吉直言若是過往的自己，絕對沒可能又唱又跳，他說：「上次主要係手部動作為主，今次真係跳熱舞，因為我唔係好想框著自己，尤其粉絲畀我好多動力，以前我真係冇可能做呢件事，覺得攞結他唱歌仲好，但依家豁出去多咗。」
他還笑稱可能被排舞師作弄，「佢成日鼓勵我，不停話你跳得好好，又話我進步咗好多，係咁催眠我，令我真係覺得好勁，所以就跳啦！當我唔尷尬時，尷尬就係其他人，咁我又使乜理你感受呢？呢個先係『GUTS』嘛！」
周吉佩指囝囝很愛《GUTS》更跟住一齊跳。
問到子女們可有看他跳舞？吉吉透露兒子很欣賞他跳這支舞，而且跳得比他好，他說：「佢學緊打鼓，節奏好敏感，亦都好鍾意呢首歌，反而囡囡就唔鍾意，佢鍾意慢歌。」