周永恆被捕後失送外賣工作 為養家轉行做裝修嘆香港難搵食
41歲周永恆（Roy）負面新聞多多，早前涉嫌於天水圍行人路踩電動平衡車（風火輪），被多名執法人員截停及撳地制服，並以涉嫌「沒有第三者保險而使用汽車」及「在行人路上駕駛」拘捕，獲准保釋候查，須於5月中返警署報到，周永恆亦因此要暫停外賣員工作。
周永恆日前分享自己轉行做裝修嘅影片
吳家樂曾於網台節目《娛樂好好玩》大爆周永恆近年喺生活上有少少困難，指佢送外賣，又曾經喺菜檔攞菜頭菜尾維生。周永恆失去外賣員工作後，曾考慮學理髮及開髮型屋；不過，日前佢就分享自己轉行做裝修嘅影片，影片主要拍攝單位內嘅裝修情況：「我哋好Old School，冇話喺網上買組件，全部都係人手由零開始做，嚟緊會分享多啲片畀大家知點製作，等大家了解我多啲。」之後周永恆就著上保護衣及眼罩進行噴油等工作。
周永恆向媒體透露，自己係與兄弟夾份開公司做裝修工程，每日搵大約1千港元，表示香港現時市道差，好難搵食，希望大家畀多啲畀工作機會佢哋，想搵多啲錢養屋企。另外，周永恆亦有主持網上節目及拍片玩音樂。
原文刊登於 Yahoo 娛樂圈
amjetso 20周年大激賞│請你嘆香港迪士尼樂園酒店及迪士尼探索家度假酒店餐飲美饌
