Beanies由五變三，兩位退團成員Chiutung及Winky因合約意見分歧。
由陳樂頤（Georgina）、張天穎（Jaime）、李凱翹（Kay）、潘釗彤（Chiutung）、黃健怡（Winky）組成的女團Beanies於2023年出道，翌年她們已奪得「2023年獲得叱咤樂壇生力軍組合金獎」。女團發展得如日方中，但上月（7日）有眼利網民發現在維基百科顯示Chiutung和Winky於2025年已經退團。
張天穎、陳樂頤及李凱翹3女今天（4日）接受商台《叱咤樂壇》宣傳新歌《失戀（及其他災難）》 ，並確認Chiutung及Winky因合約問題離隊。女團Beanies由5變3，陳樂頤今日接受訪問表示新歌在年頭籌備，是5人一起錄製，但後來兩位成員跟經理人在合約上有意見分歧，一直在處理中，她續爆：「以我哋3個所知，佢哋兩位主動同經理人終止合約，所以我哋就擱置咗一陣，但新歌歌詞圍繞災難題材，我哋3個同經理人、監製討論過，都覺得呢首歌唔擺得太耐，所以我哋3個照出。多謝監製同我哋再錄多一次音，變成3個人嘅版本。」
至放Beanies是否正式變成3人組合，陳樂頤續說︰「呢個我哋真係唔知，其實都未知聽日發生乜嘢事。（合約上佢哋已經離隊？）係。我哋5個人以唔同形式繼續出現，大家各自有自己工作，希望各位粉絲、觀眾以唔同嘅形式繼續支持我哋，可以繼續Focus喺呢首歌多啲，希望大家都明白﹗」她又指事發初期，5人曾跟經理人一同討論過，但後來始終兩位成員跟經理人之間合約上的問題太私人，不宜干涉太多，而兩位退團成員Chiutung 及Winky 終止合約一事，目前仍在法律處理階段。三女坦言心情有受事件影響，但一定會繼續以Beanies身分走下去，而張天穎則認為人的緣分有聚有散，不要過分執著，李凱翹則表示︰「每件事嘅發生一定係有原因，同埋你一定承受到，過到就係一個更加好嘅自己，或者係一個更加好嘅事情。」
ADVERTISEMENT
20周年「全城撐本地消費3重大激賞」！ 即睇活動詳情！
