關嘉敏跟細John無緣，網民盼她可以重新考慮Matthew。
《女神配對計劃》昨晚（14日）播出大結局，5位「女神」葉蒨文、梁敏巧、李芷晴、關嘉敏及羅毓儀作出決擇。關嘉敏與姜卓文（細John）和黃家俊（Mathew）這個組合未能配對成功，關嘉敏最後未有轉身，Mathew則選擇轉身希望跟她發展，細John就坦言在現階段跟關嘉敏是無可能再進一步。
關嘉敏更哭著講感受，令不少網民眼濕濕。她說：「好多謝你哋揀我，一個對的人，錯的時間，同埋一個錯的人，對的時間。Mathew，我知道你真係一個筍盤，但係我唔可以對你咁唔公平。細John，可能我哋做朋友嘅關係會更加長久，所以今日之後，我唔會對你有任何考慮。多謝你令到我第一次咁主動鍾意一個人。真係痛嘅，我學識咗啦我會笑住同你講byebye。」
為細John護航
其後眾人出席慶功宴，期間梁敏巧邀劉啟進（Matt）一齊開直播，關嘉敏與Matthew在現場齊齊加入要求梁敏巧公開向Matt表白，直播中見到關嘉敏跟Matthew一唱一和，表現合拍，未幾更有人爆出關嘉敏有跟Matthew在節目結束後有約會。
關嘉敏在直播中不滿說道：「唉！點解我個戀綜咁㗎！」她指當得知今次未能配對成功，可能要再拍第二季，她坦言太過虐心，要再參加真的再三思。她亦不忘為細John護航，坦言跟對方是同樣是工作狂，自己是很明白對方的想法，並謂：「我覺得大家唔好攻擊佢，講真，戀綜一係得，一係唔得，你哋可能話『佢擺明都係唔鍾意你㗎啦！』咁有咩問題喎，唔係一定要兩個入面揀，佢只係其中一個求愛者，呢個世界仲有好多人，只係有個緣份大家認識。」
Matthew表白兼送吻
及後Matthew在直播鏡頭再次出現，眾人要求Matthew向開嘉敏再表白，嚇到關嘉敏不停大叫兼跪低。Matthew亦鼓起勇氣對住直播鏡頭說：「關嘉敏，我係對你有feel！」梁敏巧及Matt隨即露出驚訝表情，而關嘉敏聽到對方這句說話之後，更一時情急打開雪櫃不敢再露面，表現失控。
眾人再把關嘉敏拉出來，要求Matthew搭她的膊頭安撫她，關嘉敏只好不停大叫及掩面，完全不知如何是好，更拿起桌上的碗掩住自己。眾人再著關嘉敏回應Matthew時，梁敏巧在旁煽風點火稱要Matthew送上Birthday kiss，最後再眾人起鬨下，Matthew錫了關嘉敏的頭，令關嘉敏不知所措，不停在廚房跑步，及手不停撥面降溫。不少網民看見這一幕時，紛紛希望關嘉敏與Matthew可以再進一步。
