GS世紀一吻搞到全場女神興奮到失控，Carman更肉緊地錫了Sophie一啖。
由林盛斌（Bob）擔任金牌媒人兼主持的《女神配對計劃 最後告白》圓滿結束！五位女神及求愛勇者們，昨晚與幕後工作人員齊齊食住飯睇大結局，期間五位女神輪流爆喊，不但為自己的配對感動/感觸落淚，亦為其他四位女神的配對結果情緒極盡波動。
這邊廂GM與Sophie的「霸氣之吻」錫完又錫，另邊廂林俊其Kris與羅毓儀Yuki的「Puppy Love之吻」同樣在慶功宴被要求無限Loop上演！至於關嘉敏（Carman）、李芷晴雖然有Matthew及Jacob表明心意，但最後兩人都選擇單身，而未有轉身，皆因二人均覺得時機未到；當中Carman強忍淚水的說出：「一個對的人錯嘅時間，同埋一個錯的人對嘅時間」，更引發網民無限心酸，並感嘆黃家俊Matthew這麼好的男人為何不喜歡。對此，Carman在昨晚配對時亦有提及不選擇Matthew的原因：「Matthew我好多謝你，雖然你性格同我相差好遠，但我好多謝你，你會不斷去陪我笑、去陪我做所有嘢，我唔開心時你喺我隔籬，你好大方、好包容我，我知道你真係筍盤，但我覺得唔可以對你咁唔公平，因為我知道我個心喺第二個度。」
唔知點解變咗女追男
雖然在節目上並未配對成功，但Carman事後接受娛樂新聞台訪問時，似乎並未對Matthew完全落閘：「當然呢個節目唔應該係結尾，如果佢有心，佢都會完咗呢個節目約我，或者我哋再認識吓、再了解吓，再deep啲囉傾得。」問到是否代表向Mathew開綠燈，Carman笑言：「依家黃燈，等候中。」至於細John，Carman已決心將對方列入Friend Zone，她表示：「因為對於我同佢嚟講係最好嘅結局，但呢個節目冇諗過咁赤裸，誤會咗自己係參加男神配對計劃，唔知點解變咗我追男仔，我覺得幸福要自己爭取，今次算係新嘅嘗試，我人生都未試過追男仔。」而在昨晚Maggie的IG直播中，在M&M及幕後起哄下，Matthew錫了Carman一啖，結果原本已害羞上線的Carman，被刺激至心亂如麻地不斷在派對現場奔跑「解尷」，似乎這對「厘米CP」仍有轉機。至於最後未能成功追到女神的細John、Matthew、Jacob及Eddie，接受娛樂新聞台訪問時講笑指可以憑顏值組成新男團L4 (Lonely Four)，相當搞笑。
