姚瑩瑩與兒子Evan「母子檔」拍廣告。
生於新加坡的香港藝人姚瑩瑩，近年在TVB處境劇《愛‧回家之開心速遞》中飾演接龍人事部主管Helen姐一角深入民心，一向是廿四孝媽媽的她，除了忙於拍劇的工作外，更與快將滿14歲的囝囝Evan形影不離，經常「陪太子讀書」，更會見證Evan多年來游泳公開比賽的珍貴時刻。
姚瑩瑩最近帶同Evan齊為痛症中心拍廣告，今次激罕母子檔上陣，Evan在拍攝期間非常淡定，面對鏡頭完全沒有怯場，而就讀國際學校的他表示事先向媽媽請教中文讀音，希望拍攝更加順利，不過姚瑩瑩笑稱自己也是半桶水，她說：「好彩今次都係分享自己真實感受，唔使背稿，因為我哋兩個中文都唔係特別好，媽咪都幫唔到佢幾多。」跟媽媽餅印一樣的Evan拍攝得非常順利，僅僅一小時就完成，瑩瑩說：「Evan好乖，事前諗定點樣去講同分享，所以NG仲少過媽咪，好勁！」
姚瑩瑩表示平日拍攝工作繁重，有時候忙到連身體都忽略，前陣子肩膊無力，每次舉高手都隱隱作痛，在朋友介紹下去檢查，慢慢醫好了肩膊和手臂的痛症。她又說：「囝囝係運動員，經常都會代表學校出外游泳比賽，拎過好多獎，不過每次練水或者比賽之後都會嗌好攰、好痛，作為媽咪當然會幫佢按摩，但感覺都唔係好幫到佢。」瑩瑩決定帶同Evan到診所檢查及治療，情況大有改善，比賽亦游出好成績。
瑩瑩表示作為媽媽，最重要是多陪伴孩子成長，明白孩子讀書或者生活有不少壓力，希望透過多相處，能夠了解孩子所需。今次，瑩瑩正是眼見囝囝練水後有不少情緒，主動了解才得悉囝囝有痛症情況，盡早正視及醫治，瑩瑩認為：「痛症唔好以為忍吓就算，到年紀大咗，情況只會繼續加劇，所以有痛就已經係警號，痛楚長達三個月就一定要睇醫生，病向淺中醫。」
ADVERTISEMENT
20周年「全城撐本地消費3重大激賞」！ 即睇活動詳情！
