姜濤擔任清談節目《馬時亨．獅子山精神》嘉賓。
MIRROR成員姜濤在今晚(11日)以嘉賓身份亮相ViuTV清談節目《馬時亨．獅子山精神》，跟主持馬時亨分享偶像的成長之路，以及面對「Haters」的心路歷程。提到MIRROR，姜濤直言成員年輕時都會有「拗撬」，大家冇咁成熟嘅時候，大家會有好多意見，嗰啲意見就會用一種唔成熟嘅方法去處理囉。（例如呢？打交呀？）咁又唔會，爭啲！講笑啫！當然會有爭拗啦，我唔想呃大家。我哋唔會講好肉麻嘅嘢，但我哋係一齊行過嚟。」
這七個年頭的共同歷練，令12位成員在成熟不少。他表示：「 even有意見，大家會用好成熟嘅方法去表達出嚟，唔會再好似以前咁樣，所以我覺得一定要磨合，同埋好多嘢真係要直接講會好啲，好彩我哋男仔肯去講。」當被問到可會考慮於啟德體育園舉行演唱會時，姜濤回應：「一個人係咁大嘅場開Show壓力好大，但係同MIRROR一齊就應該冇問題」。
被老師點醒
姜濤提到年少時肥胖沒有朋友，打算自我放棄，「中學有一個老師，係全校最惡嘅，喺我離開中學嗰一日，佢話希望我生性。我唔知係咪因為呢句說話，或者我心裡面始終可能有一個夢想喺度，自此就生性啲。」現年26歲的他，自言雖算不上是創新的人，但亦總勇於嘗試，「我覺得要勇於去做一啲你唔敢做嘅嘢， 起碼你年輕嘅時候要嘗試一次。」
選擇比努力重要
被問到有甚話勸勉感沮喪的年輕人時，姜濤表示，「我自己有一啲領悟，我唔知啱定錯，就係選擇比努力更加重要，因為我哋要揀啱自己嘅路。我覺得讀書一定係啱嘅，但唔可以忽略你真正嘅興趣係乜嘢，好多人讀完書，大個唔知你真正想做啲咩。」
承受別人的愛與恨
作為節目中最年輕的受訪者，亦是近年最具代表性的香港偶像之一，姜濤坦言，初出道時經驗尚淺，面對Haters排山倒海的批評和攻擊，曾嘗試以正面回應反擊，「你講完又點啫？唔會有人知道真相係乜嘢，我學習緊身為公眾人物。我要接受你做得呢一行，就要令到人哋開心，但有啲人開心嘅途徑，可能唔係淨係聽你嘅作品。可能有啲人生活唔開心，佢需要一啲宣洩嘅途徑，佢可能要借助呢啲方法。我要識得去承受所有人，唔止係所有人嘅愛，仲有所有人嘅恨。」
始終有人為你好
同時，他強調要學習分辨甚麼批評對自己有幫助，「我覺得唔可以當每一個鬧你嘅人，都係唔抵得你，始終一定有人為你好，所以我都成日同自己嘅歌迷講，你哋當我係屋企人，你哋要提我有啲咩做得唔好，我都會提你哋，唔想佢哋太神化我。」
雖然常被Hater針對，不少姜糖的支持，亦令姜濤感窩心。他分享有一位姜糖婆婆在另一半離世後，無兒無女、亦無親人，於是把姜濤當作「孫仔」般看待。他表示：「如果自己嘅存在，可以俾呢啲孤獨嘅人有個依靠，真係我冇諗過嘅事。」
驚爆已有「老婆」
最後，面對馬時亨問他之後會否結婚，姜濤即刻回應：「我老婆係出面！」隨即解釋自己近年買了車，現時就像有女朋友一樣：「間唔中都會想去望吓佢，我諗之後有女朋友都係咁嘅感覺。」馬時亨先是嚇一跳，繼而大笑。姜濤其後補充，未來也希望擁有自己的家庭，並表示十分敬佩馬時亨維繫逾40年的婚姻。
ADVERTISEMENT
