宣萱今日（12日）出席新劇《巨塔之后》宣傳。（娛樂組攝）
宣萱今日（12日）出席新劇《巨塔之后》宣傳，她接受訪問分享新劇角色：「因為呢一個角色（董一妍）唔多廢話，做動作比較多，好過得把口喺度講。」至於劇情要呈現做手術非常專業的感覺，她指當地的醫生有親自教導如何呈現做手術時最真實的手勢，並表示：「其實做手術拍咗一啲好血腥嘅嘢畫面，但因為審批唔過播唔到出街，所以有啲可惜。」
宣萱指拍攝時當地的醫生有親自教導如何呈現做手術時最真實的手勢。（娛樂組攝）
承認諗過退休
講到新劇首播七天跨平台總收視有23點，宣萱指對收視成績相當滿意。被問到較早前受訪透露有想過退休，她說：「因為拍攝有好多嘢控制唔到，有陣時好努力做咗啲嘢，有好多規條都唔准，就覺得拍劇冇乜意思。曾經我好努力去拍嘅戲最後被刪走，嗰陣時我心理唔平衡，覺得係咪應該要走（退休）。」她澄清現時已經沒有退休的想法，全因為《巨塔之后》劇本非常好，重燃對於演出的熱誠。談及多次在演出上飾演人質，她幽默表示今次拍《巨塔之后》演人質有可能是因為監製知道她有份演出而臨時加戲。
宣萱表示現時已經沒有退休的想法，全因為《巨塔之后》劇本非常好，重燃對於演出的熱誠。（娛樂組攝）
讚大S非常有性格
提到本月是徐熙媛（大S）的生忌，宣萱表示曾經與大S在電視劇《倩女幽魂》有合作過，她大讚大S非常有性格，並續說：「我自己都係一個比較有性格，因為我自己都係一個有主見同有性格嘅人，唔會為咗啲嘢好容易去妥協。我好欣賞大S，因為喺娛樂圈完全唔容易生存，佢非常講道理，同埋好斯文有禮貌。」講到大S生前在節目上表示拍《倩女幽魂》不敢在郊區上廁所，長達一個月沒有大便，宣萱隨即露出驚訝的表情，並表示：「其實去到荒山野嶺都一定要去廁所，其實演員都真係好辛苦，尤其是係女仔要拍古裝，要去一次洗手間其實要除好多衫。」
宣萱表示曾經與大S在電視劇《倩女幽魂》有合作過。
重提拍《尋秦記》環境惡劣
宣萱憶述在天津拍攝電影《馬永貞》的辛酸史：「嗰度有一間好大嘅房中間有個窿，嗰個位置就係洗手間，但係啲人急得滯就周圍喺地下度屙，其實每行一步都係踩緊人哋嘅嘢（大便），但行到一個位置就真係要好小心，因為有可能會跌落個窿，我好記得嗰陣時要將啲衫攝好晒，靠一啲白花油滴喺紙巾上面，就夾住喺個鼻嘅位置，就衝去廁所裏面。」提到昔日拍攝電視劇《尋秦記》是否有類似的情況發生，她說：「嗰陣時拍《尋秦記》都好惡劣，我記得入咗醫院係冇救命鐘，如果喺間房嗰度有生命危險係冇人會救你，就算係推我入病房，好似鐵板推屍體，以前真係好簡陋，但都係一個非常好嘅點滴。」
ADVERTISEMENT
立即更新/下載AM730手機APP 體驗升級功能
