宣萱喺1994年向高層發表意見嘅片段早前被翻炒熱傳，而影片中的「白臉」古天樂同時都係亮點（TVB影片截圖）
宣萱早前成為林家謙演唱會尾場嘉賓，又喺「熱氣球節無氣球坐」風波期間被網民翻出她在2011年演出劇集《萬凰之王》坐熱氣球的片段，令佢突然人氣急升。
連帶宣萱喺1994年同《笑看風雲 》一眾演員現身《K-100》節目宣傳劇集並向高層發表意見嘅片段，亦被翻炒熱傳。
「另外嗰位確實係幾咩嘅」
當時入行兩年嘅宣萱，在鏡頭前直指公司過於重用歌星拍劇，並投訴有人遲到：「我哋開工好多時要等三、四個鐘都要等歌星，但佢哋遲到呢，係連一句sorry都唔使講，公司亦唔會講一句教訓佢哋嘅說話！」現場其他藝人立即拍掌和應。
有網民提起宣萱拍《難兄難弟》同另一女角因遲到而不和嘅事，兆尊聞言就話：「哦，嗰位。另外嗰位確實係幾咩嘅⋯⋯呢樣我都試過。佢（宣萱）講啲實情嚟嘅啫。」他的講法模糊得來又好似幾清晰。
事隔多年後大和解
有指同期同受TVB力捧嘅宣萱同張可頤，喺拍劇集《難兄難弟》期間鬧不和。宣萱曾向傳媒指《難兄難弟》遲咗煞科，係因為張可頤成日遲到搞到拍攝進度受阻，張可頤之後反擊話係因為宣萱成日大笑而不停NG。
不過事隔多年後，張可頤同宣萱大和解，更曾經去捧場睇宣萱嘅舞台劇。可頤又試過受訪時提到當年恩怨，認為以前真係太容易失控，又指係娛樂新聞炒作。
原文刊登於 Yahoo 娛樂圈
ADVERTISEMENT
立即更新/下載AM730手機APP 體驗升級功能
