宣萱為劇集宣傳。（娛樂組攝）
宣萱今日到紅磡為《巨塔之后》宣傳，談到近日網民翻看她昔日歌唱影片，她直言不敢看。她說：「哈哈！我唔敢睇啊！《流非飛》我好熟㗎！我倒轉都識唱啦，但係我竟然唔記得歌詞！自此之後，令我唱live有恐懼症，之後有live嘅嘢，我都唔想做。依家就好啲，紅館就會有字幕機，就唔使驚忘記歌詞。」
她指當時節目是雷頌德做評判，由於二人是大學同學，所以雷頌德最後也給予她冠軍，笑謂事前已跟對方打定眼色。她稱雷頌德當時認為她忘記歌詞也可以照唱下去，是非常值得給予冠軍。
開心成Marvel一員
對於她在2019年成為首位在Marvel擔任角色的香港演員神盾局科技館的總工程師林樂詩（Leslie Lam），全因她英語流利，她表示當時收到邀請時大為驚喜，直言「唔收錢都做！又好開心見到Paul Rudd！」她稱外國的團隊跟香港的工作模式不同，所有事情都安排好，前期準備做得很充足，大開眼界。她稱早前到星加坡拍攝，當地的模式也很不同，自己學習了不少。
《尋秦記》11月開始宣傳
談到電影《尋秦記》推出AI中秋節短片，她大讚非常靚又特別，並透露11月會開始做宣傳， 12月更是不准放假，會不停做宣傳。對於有網民認為《尋秦記》是都市傳說，她表示電影將會上映，而且相隔的年期也不是太長，「其他電影都要8年至10年先上映，可能疫情令到電影延遲咗。今次上映係真嘅，再唔上映就唔得㗎啦，大家個樣都會變！」
ADVERTISEMENT
立即更新/下載AM730手機APP 體驗升級功能
