家怡、家樂，拿著10K水筒，體驗非洲小孩攞水苦況。
周家怡、陳家樂近日為「世界宣明會」全球性籌款活動《Global 6K for Water》，兩人更為活動拍攝宣傳片及海報。活動旨在讓參與者體驗非洲缺水社區，每日徒步約6公里取水，更幫當地小孩兒童與居民籌款，改善缺水社區的衛生設施。
大會特別設計「G6K撲水大作戰」小遊戲，讓兩人體驗當地小孩每日運水的苦況，家怡笑謂：「好辛苦！啲小朋友要日日咁攞，仲要唔係有條河俾佢哋打水。」家樂表示水桶非常重，看過當地孩童取水的片段，更聯想到女兒Camila：「頭先睇(紀錄)片見到好多小朋友，仲要係細路女，赤腳行好遠，攰到左手換右手，仲要擺上頭頂住，，真係好肉赤。」
問到「缺水」體驗，家樂表示慶幸未試過，但曾到衛生情況較惡劣的地方拍攝：「啲廁所好污糟，我唔係好想去，又唔係好敢飲水。」家怡試過到簡陋地區拍攝，因為落雨場口動用水車，當地村民全都邊圍觀邊哭：「佢哋覺得我哋好嘥水，嗰個場面真係好深刻，事後監製都好好，買多兩車水俾村民用。」
提到跑步，家怡每星期跑三、四日：「冇咩目標，唔會追時間，係為咗健康。啱啱知全球有22億人有缺水，會大力介紹俾跑友知，一齊參與Global 6K for Water。」家樂曾因追求更快時間，而出現傷患：「用咗錯嘅方法跑，之後都跑少咗，而家識得慢慢跑，享受跑步嘅過程。會介紹Global 6K for Water俾陳茂賢導演，因為佢肥咗好多，哈！希望可以令佢重拾跑步樂趣。」
家怡除了是活動大使，更是宣明會助養者，已參與助養計劃20年，她帶同一大疊助養小朋友書信，邊做訪問邊翻開，不時眼濕濕兼流露笑容，深受助養孩童書信感動：「有啲好鍾意畫畫，會用晒顏色筆寫信俾我，又會同我分享攞到高分、好成績，好窩心，係因為佢會話我聽。好似知道你助養佢，佢都好努力㗎。」
ADVERTISEMENT
立即更新/下載AM730手機APP 體驗升級功能
