AK、Lokman、Alton和Frankie主持小組綜藝節目《夜粥先生幾多點》，奉旨吃喝玩樂 。(林俊源攝)
MIRROR成員楊樂文(Lokman)、江𤒹生(AK)、王智德(Alton)和陳瑞輝(Frankie)組成的「FING小組」，因AK偶然賜名變成「夜粥小組」，小組團綜亦順理成章名為《夜粥先生幾多點》，節目將於下周一(29日)起播出，早前四子接受訪問，分享拍攝節目的苦與樂。其中最難忘必選AK挑戰人生第一次，玩高空飛索從半山滑行，猶如謝天華單手講電話，望著維港美景都不敢睜開半眼，更慘被兄弟「情勒」，不過最後感受愛的支援，總算成就解鎖。四子攞正牌吃喝玩樂，Frankie形容「山地海全包圍」，不過Lokman表明，「我相信呢個節目意義不大，純粹帶歡樂俾大家。」Alton笑言：「如果你有期望，我會對你很失望！」AK補充說：「你唔開心，唔關我事！」貫徹大暴走本色。
Alton「情勒」Lokman想call飛行服務隊
看著別人受苦，往往充滿娛樂成分，四子份屬好兄弟，互mean是常識，Frankie笑言透過節目解決私人恩怨。向來畏高的AK再次挑戰高空項目，本以為輕鬆行夜山，點知變成玩高空飛索，他直言想過縮沙，但在兄弟情緒勒索夾攻下，惟有頂硬上，「當我稍為萌生想放棄念頭，佢哋嘅助燃，簡直就係火上加油。」Alton自爆看到AK反覆掙扎時的反應，「大家期待我哋鼓勵佢，但我就話：『你咪唔好玩囉！』」AK解釋，起初以為只是用行手仗登山，「原來要手腳並用，又要落扣，真係好似有個好勁嘅男藝人，捉住(舊石)講電話。」Lokman笑言考慮過召喚飛行服務隊營救。
Frankie周身瘀 AK驚到震
其實當時連製作組都不想強人所難，但AK為啖氣堅持，擾攘逾15分鐘，卻難為了率先出發的Frankie，「我體感等咗半個鐘，(當時有甚麼想法？)好攰囉，頂唔住了，快啲啦。」Alton即場示範，「我哋唔係企喺度等，係爬住啲石等。最危險係我貪現拎部電話影相。」事後，Frankie發現雙手擦傷又撞到周身瘀，不過做兄弟也體諒，AK憶述說，「我驚到全個人不斷震，我哋要排隊起行，雖然佢哋都危險，但就讓我快快落下先，其實都sweet。」不過他就驚到連環爆粗，辛苦製作組連環快「咇」。
Alton著《I. SWIM》泳褲行葵廣
奉命吃喝玩樂，最開心是讓他們體驗出道前的平凡生活，包括搭小巴、逛葵廣、做DJ捽碟、往地道名店打邊爐等，不過沒料到fans消息靈通，逛葵廣半小時內已被包圍，需要盡快撤離。問到會出道後如何「喬裝」逛街時，四子Alton爆笑指會著 《I. SWIM》泳褲，Frankie就挑戰極限，「著《W.T.F》小組演唱會嗰條鎖鏈！」各位「蛋白粉」(Alton粉絲)和「皮寶寶」(Frankie粉絲)留名等找數。
Lokman索貓為樂
談到夜繽粉生活，出道前後當然有分別，Lokman一臉認真表示，「細個夜生活通常係排完舞去旺角食宵夜。」他們則坦言入行後，因工作生活不規律，只能獨留家中或友人家相聚叫外賣，Lokman，「我最enjoy喺屋企吸貓，每日都要吸兩次，好執著，吸捉12個鐘最舒服。」Frankie一語中的：「你返屋企，隻貓就開工俾你索。」問到四子何時才一齊開Live打機，AK自首：「因為有啲處理唔到科技問題。」
Frankie原地jet lag
論到真正「夜鬼」，非Frankie莫屬，AK大爆他凌晨4點都會覆短訊，Frankie表示，「如果第二日要返得早，我有一半機會唔瞓覺。好以小學生第二日去旅行，瞓唔到覺，所以喺香港都會原地jet lag。」原來他從讀書年代已訓練有數，「讀大學時排練大專舞蹈比賽，試過一個禮拜瞓唔夠10個鐘。」他笑言通常靠意志力克服，「通常完咗就會病！」雖然四子揚言要搣甩「夜粥」之名，以正身「FING小組」名義籌備11月初舉行的《W.T.F.2 Live 2025》，不過「搲撈」就例外，無論化身「四大才子」拍劇，食早餐、下午茶或繼續宵夜都無任歡迎。
文：Grace 攝：林俊源
造型：J.C
Alton：Carhartt WIP、Beams、I.T(服裝), Fantastic Man(首飾), Red Wings(鞋), Yumi Cheung@Annie G. Chan Makeup Centre(化妝), Frankie Ho @Hair Culture(髮型),
AK：Fullcount、Fred Perry、Carharrt WIP、Beams(服裝), Gentle Monster(眼鏡), Yabasta Sliver (首飾), Jordan Brand(鞋), Giann Cheung @Annie G. Chan Makeup Centre(化妝), Seiko Sin @Hair Culture(髮型),
Frankie：H Bar C、Leather Healer、ad-lib、Luddite、Clot(服裝), Toga(首飾), Red Wings(鞋), Cori Wong @Annie G. Chan Makeup Centre(化妝), Seiko Sin @Hair Culture(髮型),
Lokman：Beauty & Youth、Clot、I.T(服裝), Fantastic Man(首飾), Nike、Clot(鞋) , Giann Cheung@Annie G. Chan Makeup Centre(化妝), Seiko Sin @Hair Culture(髮型),
ADVERTISEMENT
