宣萱笑謂玩threads令好眼界大開，心情很歡愉。（娛樂組攝）
宣萱昨日文為《巨塔之后》宣傳，與鍾鎮濤、陳煒大談拍攝趣事。由於早前的熱氣球事件，令宣萱的舊作《萬凰之王》大熱，問到劇中的熱氣球最後飛去哪裡，她稱當年拍攝是用威吔吊起熱氣球在電視城上空拍攝，因此熱氣球最後的目的地是電視城！
宣萱解開謎團，原來目的地是去電視城。
遊說唔到古天樂玩threads
宣萱表示現在玩threads像吃維他命，要每天上去看看，「令我個人updates咗好多，知道依家發生咩事，知好多用詞！」她又指見到不少帖文好好笑，問到是否難以遊說古天樂使用，她說：「佢好忙，唔好要佢玩！如果下世性格都係咁，佢下世都唔會玩！」問到如果好她叫古天樂玩threads的第一個反應是甚麼，她說：「DLLM囉！」之後她再解釋：「Dream Laugh Love More！我係threads到學㗎！哈！」
提到當年她批評歌手獲特權，她稱自己也不記得說過這番說話，直到近日在網上見到才發現，看完也覺得大膽。她稱當年的確很重用歌星，希望發下聲可以改善，但自己也不太知道事後有沒有改善。
宣萱完全不認識林家謙，感謝他令其娛樂生涯豐富不少，當時最擔心影響到對方的個唱。（娛樂組攝）
談到她與張可頤當年不和的事再翻hit，她說：「唔使提啦！舊聞到無得再舊，97年啦，如果要講，要連我幾歲瀨尿都講埋！過咗去就唔緊要啦！」
對於張可頤反擊宣萱因大笑頻頻NG，她表示：「問劇組就知，其實都唔使講咁多，我都幾熟讀劇本，我係出名少NG，但咁唔會冇NG，係偏少嗰啲，咁如果話我係嘅，咁係有NG囉。（佢都有NG啦！）大家都有，都係好小事。記得當年大家都比較細個，好多嘢都未睇得通，同埋當年傳媒希望想多一啲嘅新聞，咁將件事搞大啲，所以唔需要理太多嘢囉，總之拍劇享受過程就OK 。」她稱早年演舞台劇時，張可頤也有來捧場，大家的關係是不錯的。
她續說：「大家如果好執住一件事，長期咬住件發生好耐嘅事，成日記住，成世人都會唔開心。有啲嘢係發生咗，我又學識啲嘢，佢又學識咗啲嘢，咁就OK！」
宣萱演出舞台劇時，張可頤也有來捧場。
ADVERTISEMENT
立即更新/下載AM730手機APP 體驗升級功能
