宣萱親自到賽車場拉攏陳展鵬加入董事會。
由無綫與優酷合拍劇《巨塔之后》，演員陣容有宣萱、陳展鵬、陳煒、劉佩玥、鍾鎮濤、湯鎮業、馬國明、蕭正楠、吳若希、張頴康、蔣家旻、陳楨怡、黃庭鋒、謝雪心、吳岱融、林景程等，昨晚（3日）劇情交代一妍（宣萱飾）為想盡辦法回歸董事會、而親自到賽車場拉攏投資銀行新任高層戴德橋（陳展鵬飾）的場口，陳展鵬的型格賽車look更成為網民焦點，獲大讚又型，亦有網民好奇陳展鵬為何到第五集才出場。
蔣家旻再現招牌反骨樣
另一焦點劇情，莫過於蔣家旻（Angel）短短一集便由「集團主席」貶回「前成員」。蔣家旻於2022年憑《美麗戰場》中的反派角色「鍾家琪」的反骨琪形象獲封「新世紀賤精」，更因而喜獲萬千星輝頒獎典禮「最佳女配角」。這次Angel雖然在新劇升呢富家千金、但身上Mean味仍舊，無論得戚樣、嘴藐藐、發爛渣或是擺款，都引爆「反骨琪集體回憶」。
潘志文一原因自備私伙
至於在劇中飾演富商魏孝棠的潘志文，早在社交平台提及自己出動私伙服裝拍攝《巨塔之后》，背後原因更是十分專業，他表示：「因為我同時間拍緊《刑偵12》同《巨塔之后》，我自己都想喺造型方面有少少唔同，所以我喺《刑偵12》入面著西裝、打煲呔；去到《巨塔之后》我就買咗套中山裝，經監製同服裝指導睇過、試過、拍過相出嚟，效果ok，就決定呢個造型喇！服裝、眼鏡，同埋我戴緊嘅戒指，都係私伙㗎！」
ADVERTISEMENT
立即更新/下載AM730手機APP 體驗升級功能
