廖偉雄早前中風，但已康復8、9成。(娛樂組攝)
廖偉雄(阿燦)今日(10日)到九龍灣出席舞台劇《石塘咀之霸王夜宴》首演，現居大馬的他表示今次是應黎文卓導演去策劃，因為跟對方是好朋友，加上合作多年，對方有搞作一定會支持。他表示自己並非首次演出舞台劇，但今次需要唱歌，笑言「攞佢命」！
有危就有機
談到他的生意，早前他逆市在大馬開餐廳，他感謝各方支持，生意OK，「依家全世界經濟都唔好，能夠維生到已經好好，今時今日都寄語大家，面對任何困難、危機都係一個機會，你可以用呢個機會去諗啲唔同嘅嘢去做。更重要係當你懂得面對，排解佢一定有美好嘅明天，總之唔死就得！」他稱無意叫子女繼承事業，因為每個人都有不同喜好，「千祈唔好攬埋一齊做！佢有佢哋做，我有我做，當你鍾意，先有興趣去做，有興趣先會付出心血，你肯付出心血，一定有收穫！」
廖偉雄感恩在大馬的生意不錯。(娛樂組攝)
拒絕戒口
阿燦早前透露自己中風，他透露已經康復了8、9成，坦言有些後遺症。他稱有朋友問有沒有做身體檢查，但自言中風是突然其來，所以只好自己多加注意，現時飲食要平衡些。他坦言「要死就要死，唔關任何嘢事」，相信與自己工作無關，並指反正也難逃一死，已叮囑子女如自己有甚麼事，千萬不要著他戒口，「呢個世界乜都要俾我食，食完都要死，食多啲先死好過呀！」
而朋友的太太更教他嘗試向後行路，加速自己復原。他稱平日的行路是會腳踭掂地，向後行則是腳尖掂地，可以鍛鍊小腿肌肉，有助預防老人痴呆。他表示自己現時會趷高腳行，認為更有效鍛鍊腿部，自言不用錢，著大家可以試試。
ADVERTISEMENT
