廖慧儀自爆被魔怪纏身9個月。
曾獲「狂野空姐」封號的2020年落選港姐廖慧儀（Jessica），向來樣靚身材正甚有觀眾員，可惜其後受前男友墮樓事件影響，廖慧儀受盡千夫所指，形象插水，更一度被TVB雪藏，幸好，她亦獲重新機會，最近頻頻現身J2綜藝節目。日前，廖慧儀就在社交網分享一條崩潰爆喊短片，曝光自己脆弱一面。
片中，見廖慧儀在鏡頭前崩潰爆喊，情緒低落，並配上《脆弱的女人》作背景音樂，她發文表示：「『我們都是第一次活，手忙腳亂是正常的。』2025年8月：九個月了。希望這個小魔怪不要再來找我，如果再來的話，我相信都會輕鬆駕馭得到的。呢一年同佢共處，消耗了好多好多時間同耐性，也感謝最親的你們忍耐我。」廖慧儀沒有清楚講明「小魔怪」是什麼，但網民都估計她所指的是情緒病。
廖慧儀又指今年曾多次向自己說：「我覺得唔得喇」，但又要不斷說服自己：「我相信自己得，我相信所有嘢都會變好，一定會好返」，廖慧儀續表示：「吸引力法則吸到我來到8月了，一直都有好想變好的決心，多謝你們，多謝自己沒有放棄。」她稱今年來到29歲，感受最深刻是身邊有很多錫自己的人，但明白到最後還是要靠自己堅強走下去，她說：「做一個獨立、堅強同勇敢嘅人，絕對係我嘅課題。仲有一年就3字頭喇，人愈大愈享受一個人，又可以話人愈大愈要學識『享受一個人』，就算一個人受苦都係一種享受。」
帖文一出後，不少圈中好友包括何泳芍、朱智賢、 李旻芳等都紛紛留言為她打氣，不過，亦有網友質疑：「邊有人喊會拎手機影住自己」，廖慧儀即解釋：「影低佢對記錄病發日期時間、同自己嘅狀態有幫助，就好似健身嘅人都會影低自己食咗啲咩，幾時食。我覺得呢個方法好有用會睇到自己嘅改變。」
立即更新/下載AM730手機APP 體驗升級功能
