2025-10-12 19:13:13

徐浩曾樂彤結婚幸福晒婚戒阿Sa做統籌想玩埋一份

音樂監製徐浩與歌手曾樂彤今年6月宣布婚訊，今日(12日)於尖沙咀舉行婚禮。兩人早上酒店舉行傳統接新娘儀式，期間徐浩宣讀愛的宣言時感動到流淚，場面溫馨又感人。姊妹團包括戴祖儀、前女團Super Girls成員蔡明思(Jessica)與4位圈外朋友。晚上婚宴出席嘉賓包括蔡卓妍(阿Sa)、MIRROR9位成員等。

阿Sa開心影床照

另外，阿Sa在IG分享與新娘子婚前派對照片，阿Sa在床上勁擺誘人pose。她做統籌派對的原因是「我自己都想玩。」她寫道：「曾樂彤，我衷心祝福你同Terry(徐浩)百年好合，永結同心。我知道你一定會幸福，因為你值得擁有一切美好的事。Love you。」

曾樂彤亦在IG分享派對照，並寫道：「進入最後的倒數階段，除咗感恩就係感恩。由細到大從來無舉辦過屬於自己嘅Party，多謝我嘅好姊妹choisa(阿Sa)以Bridal Shower嘅名義，去將所有我愛同愛我嘅人放埋一齊，仲要多謝我嘅姐妹團(辛苦晒你哋了)同其他出席嘅姐妹們。

徐浩爆喊讀愛的宣言

一對新人受訪時，連環放閃，徐浩自爆今早接新娘時，開始讀愛的宣言已爆喊，喊到連講「曾樂彤」3個字都口齒不清，「喊到要停，趴埋個櫃度，冷靜一陣。」曾樂彤直言甚少見徐浩哭得如此厲害，雖然取笑新郎哥讀誓詞似外星文，但完全收到當中意思，其中一句最sweet是「我想你每日幫我攞毛巾」，他倆表示平淡生活已很滿足。

未有造人計劃

徐浩就沾沾分享，接新娘玩遊戲時，輕易就能認出老婆的五官，順勢大讚老婆：「未見過一個人雙眼咁靚！」曾樂彤高呼太肉麻，接著又自言必能認出老公的五官，「你五官太標誌，未見過啲咁完美嘅男人。」兩夫妻連環放閃，曾樂彤讚老公：「100分滿分嘅話，我要再畀凸啲啲，因為佢係好出色嘅人類。」徐浩就回一句：「若以地球標準，唔可以衡量佢嘅好。」兩人被問到造人計劃，徐浩就回應道：「隨緣，BB唔係話想要就一定有，係上天賜嘅禮物，如果到來就欣然接受。」曾樂彤補充指忙碌工作，連渡蜜月日期都未定，故亦沒有造人計劃。

星光熠熠

徐浩與曾樂彤在圈中人緣佳，當然有眾多藝人歌手到賀。李幸倪(Gin Lee)晒腿、蔡卓妍露腰、吳千語露背各有性感，另外加埋泳兒與關智斌，今晚頗多英皇藝人出席。兩對幸福夫婦張繼聰與謝安琪加衛詩雅和醫美老公周祉安恩愛到場。仲有MIRROR成員AK、Anson Lo、Edan、Jer、Jeremy、Tiger、Frankie、Alton和陳卓賢。少有露面的周栢豪拍住陳柏宇、陳蕾亮相。今晚嘉賓有個共通點，就是大部分穿上黑色服飾出席，好有型格。