2025-07-15 17:00:00

我所聽見的未來｜馮素波事隔50年再聲演陳志雲挑戰風流角色

石修（修哥）、陳志雲（Stephen）、馮素波（波姐）、黃文慧（Bonnie）及梅小惠五位殿堂級藝人為雷霆881商業一台全新暑期節目——原創廣播劇《我所聽見的未來》進行錄音。

雷霆 881 商業一台將於今個夏天推出一系列全新暑期節目,7 月 20 日起逢星期日中午 12 時30 分至下午 6 時,為聽眾帶來嶄新聲音體驗。由殿堂級聲演陣容打造的原創廣播劇《我所聽見的未來》打頭陣,並與多個暑期節目一同登場,包括:甄琪及東東主持的《修吓你把口》、、思汝主持的《思潮起伏》、馬騮搣主持的《異獸誌》、江慧楓及天欣主持的《至少做一件離島的事》、、樂樂主持的《嗶哩爸媽暑期班》、、陳聰及阿料主持的《一台無雙》,以聲音陪伴大家渡過一個不一樣的夏日。

石修（修哥）聲演一位懷才不遇的歌手「夏守正」，對「成功」二字有著難以釋懷的執著，角色帶有濃厚的「中二氣質」。

殿堂級藝人首度參演廣播劇

原創廣播劇《我所聽見的未來》由石修(修哥)、陳志雲(Stephen)、馮素波(波姐)、黃文慧(Bonnie)及梅小惠五位殿堂級藝人首度攜手聲演,並邀得「祥師兄」阮兆祥及新生代人氣歌手 Yan Ting 周殷廷及黃妍驚喜客串。『預言』成為今年熱話,此劇以超現實科技題材及跨代演員陣容,帶領聽眾走進一棟名為「2 號 A」的智能村屋。劇中性格迥異的長者與科技代理人,過著看似平靜卻充滿張力的未來式樂齡生活。隨著一位新住客的到來屋內打破了原來安穩的生活,每個人內心的情緒缺口與人生遺憾也被逐層揭開。此劇不乏對人工智能、精神健康、長者生活等議題的探討,讓聽眾反思人生的種種苦難能否僅靠科技抹平,究竟科技能否治癒人類的孤獨與遺憾,還是情緒與記憶,永遠只能靠自己消化?這不只是一個廣播劇,更是一場對未來人生的想像實驗。此劇共 10 集,7 月 20 日至 8 月 31 日逢星期日中午 12 時 30 分播出第 1 至 7 集,9 月 6 日至9 月 20 日逢星期六晚上 7 時 30 分播出第 8 至 10 集,為一眾聽眾帶來一段「可能成真的預言」。

陳志雲（Stephen）聲演一位表面灑脫、實則空虛、幽默中帶點蒼涼的編劇「司徒文泰」。

石修首度聲演

石修聲演一位懷才不遇的歌手「夏守正」,對「成功」二字有著難以釋懷的執著,角色帶有濃厚的「中二氣質」。首度聲演廣播劇的修哥表示:「好新鮮!今次係我第一次參演廣播劇,以前做電視劇、拍戲,係連埋動作同所有鏡頭一齊去做,今次唔需要照顧其他嘢,用把聲去講就得。錄完之後好似去咗一個新嘅家庭,因為大家都住喺同一間屋,喺裡面發生好多事。有時因為啲對白寫得好好,好貼地、好現代,我喺呢個廣播劇裡面都吸收到好多好新嘅現代年輕人講嘅說話,我一路工作一路學習。」

陳志雲挑戰風流角色

陳志雲今次突破以往形象,挑戰風流、吊兒郎當又充滿壓抑的角色,聲演一位表面灑脫、實則空虛、幽默中帶點蒼涼的編劇「司徒文泰」。 Stephen 笑言:「廣播劇而家真係好少做,咁認真而且仲有咁多老戲骨、資深嘅演藝界朋友嚟做係好難得。今次最精彩嘅係有好多你估唔到嘅未來元素,但諗深一層又可能真係有一日就出現喺你門口。我哋會用好多科幻效果,令大家能夠感受到我哋喺未來世界可以點樣獨處,亦有顯示到銀髮經濟喺未來可以點樣做。錄音過程嘅趣事直程可以拍另外一部劇出嚟,我哋唔係淨係做廣播劇咁簡單㗎!一有少少空間嘅時候,犀利啦!波姐又唱粵曲,我又唱,個個都有份玩。」

馮素波事隔50年再聲演

馮素波一向擅長演繹慈母與嫲嫲的角色,今次聲演的「李心悅」,是一位身體虛弱、依賴高科技照顧的長者角色。她外表溫和,但笑容背後卻藏著「不能說的名字」。波姐表示:「錄音過程最得意係 Stephen 竟然唱子喉、唱粵曲,然後修哥又唱吓時代曲。參與今次廣播劇畀我好多回憶,因為我十幾歲嘅時候,爸爸都有搞廣播劇,我仲係細路聲,但已經演少女角色。今次我哋成班都係長者,五個人係同屋共主,講出我哋長者一齊生活嗰種樂趣。好開心畀我可以隔咗五十幾年都可以去做廣播劇,希望聽眾們接受我哋嘅演出,畀多啲好評,等我哋更加能夠改善、改好啲,最希望係可以繼續畀我哋播落去。」

黃文慧角色神秘莫測

作為「腦神經跳掣專業戶」的黃文慧今次聲演神秘莫測的「陳蓉蓉」,是一位記憶錯亂、身份成謎的神秘女子,她的出現成為整個故事的重要轉捩點。Bonnie 姐與陳蓉蓉的多重人格特質完美契合,Bonnie 姐笑言:「諗起年輕入行都有成日參加廣播劇,而家好似回復番以前十幾歲咁。呢套劇好前衛,我一直睇劇本都唔明,一人身兼多角,係咩原因呢?原來呢個角色係一個老人家,佢有啲老人癡呆,諗返自己少女嘅時候,就會係少女聲;突然間覺得自己係一個江湖俠女,又會好凶神惡煞。我覺得呢個劇好科幻、好新奇,希望大家會記住收聽。」

梅小惠聲演智能管家

梅小惠聲演智能屋管家「黃蕾」,冷靜中蘊含著感性,擁有敏銳的情感雷達與邊界感。小惠首次展現感性內斂一面,脫離以往的喜劇框架,帶來新鮮感。小惠分享:「今次錄音過程我簡直係畀人『賣豬仔』,第一日一嚟到錄音見到四位前輩確實係有啲壓力,已經做足功課但都會緊張。仲要第一個 NG 就係我,不過呢個機會係好難得。冇諗過現實嘅我同角色竟然會有感同身受嘅地方,故事裏面我係一個開心嘅照顧者,內容竟然同我實際照顧媽媽嘅情節差唔多,所以我都好感觸。喺屋企讀自己獨白嘅時候都已經流淚,編劇自己寫嘅時候一路寫都喊咗幾次,好驚喜會有呢種感覺出現。希望透過呢一部劇鼓勵多啲照顧者,畀多啲正能量佢哋。」另外,除了資深藝人阮兆祥的加持,劇中亦加入了新一代藝人驚喜客串。今次分別邀請了人氣歌星 Yan Ting 周殷廷及唱作歌手黃妍客串演出,為劇情注入新鮮感,展現跨世代對話火花。