2025-06-30 19:57:16

拉闊音樂會｜林峯教「凳舞」鄧麗欣自薦做凳好驚青張繼聰：拎條尾龍骨出嚟表演(有片)

林峯、鄧麗欣(Stephy)和張繼聰(阿聰)首度攜手登上拉闊舞台，今日(30日)3人現身九龍塘出席記者會，宣布將於8月30日晚上7時假亞博 Arena舉行《惑星•夏林峯 x 鄧麗欣 x張繼聰》拉闊音樂會，3人在台上玩考默契遊戲，首先模仿張繼聰彈結他的型格魅力，接著兩位型男在Stephy指導下跳《心急人上》，林峯就示範演唱會唱《Broken》的性感「摺櫈」，Stephy就自薦做櫈，當與阿聰合跳「凳舞」時，表現尷尬兼驚青，最後兩人僅擺甫士合照，場面爆笑。

3人初次合作開show，張繼聰笑言上次參與拉闊音樂會已是十多年前，當時亞博才剛開始啟用，故今次心情好激動，「知道嗰時我喊咗5分鐘呀！因為呢單嘢心神恍惚咗成年呀，屋企人叫我自己控制吓！」Stephy表示開演唱會時已知悉合作開拉闊，在林峯擔任嘉賓當晚，張繼聰是坐上客。談到跳「凳舞」感受，阿聰半說笑指：「我要攞條尾龍骨出嚟表演！跳一次都要call白車！」至於會否重演Stephy紅館show的「風火輪」旋轉，他笑言只能在採排時練一次，就要食止痛藥兼搽油，林峯聞言即表示可提供他代言活胳油。

3人表示已為歌單煩惱，並保證會有不少crossover環節，絕非一般的雜錦騷。阿聰強調今次以娛樂為主，，他們笑言可集合Stephy的跳舞欄杆、阿聰的交通燈、林峯的凳，還要開水喉齊齊Get Wet，原本的「惑星·夏」風格頓時暴走變地盤職安健音樂會。

向來好Talk得我阿聰自言會讓出半個鐘時間予Stephy、林峯開talk，又表明會自我控制台上發言時間，「我真係喺屋企唔出聲㗎，已婚多年嘅男人出到街好開心㗎，我返到屋企都係剪草淋花咋。」阿峯笑住回應：「我結婚唔係好多年啫，暫時仲未到剪草。」阿聰又提議改為即興「ad-lib」，怎知Stephy即露出驚嚇表情，大爆他一開口就難以收聲，令眾人笑到場面失控。