方力申笑笑口否認葉萱大肚。 (林俊源攝)
方力申（Alex）星期三現身澳門，出席「水舞間」開幕活動，被指大肚的葉萱則未見同行。
近日有傳方力申的愛妻葉萱有喜，被記者提起相關傳聞，小方笑笑口否認，問到是否未滿三個月怕BB「小器」？他即拉開話題稱：「今日講工作先，總之我今日嚟做嘢啦，搞到我都緊張埋。」對於今日全程露出幸福笑容，他自稱是開心果，又表示：「我太太會睇我所有訪問，佢每日會上網search我『万刀甲』、『方力申』呢三個字，我梗係好幸福啦！」小方坦言希望早日做爸爸，並謂：「生小朋友係我自己嘅夢想，希望組織家庭，但隨緣，順其自然，之前都講過係愈快愈好，但需要天時、地利、人和，睇個天啦！」他又稱自己跟蛇BB好夾，看來小方好快會有好消息公布。
amjetso 20周年大激賞│請你嘆香港迪士尼樂園酒店及迪士尼探索家度假酒店餐飲美饌
