小方睇到BB超聲波好興奮，不停自拍錄片。
方力申(小方)於今年情人節宣布與年輕14歲的女友葉萱(Maple)在美國結婚，並於父親節宣布做老竇，女兒預計今年年底出世。早前小方透露BB是女兒，表示會陪老婆入產房。昨日，他在IG分享陪老婆到醫院進行產檢的短片。他寫道：「日前我陪太太去港怡醫院照BB嘅結構，好感恩，醫生話BB一切正常。由於之後太太都想喺港怡醫院生BB(想順產)。」
見血暈要彩排
小方續說，護士好細心帶他參觀產房，聽完護士講解「生產」過程後，本來心情好平靜的他，開始有點緊張。之後更正話不是緊張，是興奮才對。短片所見，小方在老婆進行胎兒的超聲波檢查時，邊用手機自拍邊說：「佢嘅背脊骨靚過我呀。」之後他聽到護士說：「媽媽生完BB後，我哋會安排媽媽同BB先做肌膚接觸。」小方即時緊張問：「冇爸爸㗎？」護士說：「可以，不過俾媽媽先。」
之後小方看見床邊有張凳，就問：「張凳俾爸爸？如果我暈血點算？」護士說：「咁你坐低先唔好郁。」小方表示：「咁我彩排下先，我呢邊俾佢鍊住，俾佢鍊到流血冇人理。」
ADVERTISEMENT
