李居明視許冠文是偶像之一，獲對方一句說話鼓勵，令他非常感動。(娛樂組攝)
馬時亨、許冠文、黃金寶、閻惠昌等今日(9日)到新光黃埔出席《馬時亨·獅子山精神》發布會。李居明獲邀出席並與馬時亨及許冠文一齊合照，大師跟許冠文握手時密密斟，大師接受訪問時，被許冠文的說話深深打動。他說︰「佢同我講話依家做電影院係好難做，但你仲做得到，佢係好支持。雖然係簡單幾句說話，但我真係爭啲喊出嚟。」
李居明開心可以跟許冠文見面。
他表示許冠文是大家的偶像，「佢個番說話，雖然係好平淡，我都有同佢講為咗紀念我個偶像，所以播《大軍閥》，佢都有笑一笑，真係好多謝佢。做戲院真係好辛苦，但係值得，聽到係非常激動。先頭佢都有用喜劇方法去活靈活現咁介紹、講佢以前住嘅地方，真係好佩服。今日最大收穫，係可以同佢傾到計，獲得佢支持。」
提到許冠文有提及過想構思一個特朗普角色，而大師推出過的《粵劇特朗普》大受歡迎，問到有沒有合作或交流空間，大師表示因為《粵劇特朗普》會重演，所以打算邀請對方，「甚至突發其想，如果將《粵劇特朗普》搬上大銀幕，變成電影，搵佢扮特朗普，鄭丹瑞做澤連斯基，都應該幾爆！不過，許冠文比較COOL，所以我唔敢出聲，第一次見到佢已經心情好激動，未有同佢講。」他表示許冠文是大家的偶像，希望他未來拍多些好戲，吸引更多觀眾入戲院，令香港電影業界的嚴冬得到一剎那春風，為大家帶來溫暖。
李居明估計如果由許冠文扮特朗普，相信會令不少觀眾爭住入場睇。(娛樂組攝)