李龍基今日風騷現身啟德郵輪碼頭舉行的慶祝酒會。 (娛樂組攝)
李龍基今日現身啟德郵輪碼頭舉行的慶祝酒會，心情勁靚的他以招牌粉紅look風騷登場。問到點解單拖赴會？基哥即謂：「一個人咋嘛….唔你，咩一個人？好多人啊！」活動上見到不少圈中老朋友，計有胡楓、羅蘭、盧海鵬、曾志偉、周文健、鄧梓峰、邵音音、鄺美雲等，場面熱鬧。
71歲李龍基與年輕37歲的未婚妻王青霞（Chris）傳出分手消息，女方出獄後，有春兩人感情生變，基哥近排旁邊已不再見到Chris的身影，問到兩人感情狀況，基哥答道：「其實我哋有個協議，我哋都係低調，唔係想講太多佢嘅嘢，好多謝各位，佢好好，我哋亦都好好。」他發現最近成為YouTuber作故仔目標，其中一條片指他有40幾億身家，笑言自己身家原來直逼李家誠，令他啼笑皆非。問到婚期及手上未有戴訂情戒指，李龍基均表示低調處理，強調：「總之結婚有好消息會向大家交代。」不過，談到被網民封為「提款基」，他稱有次被途人當面稱呼「提款基」，續說：「講真，提唔提款，我自己好清楚。」呼籲大家要清晰，切勿受人唆擺，指網上不少言論是理用人性弱點來博取流量，認為目前無法監管媒體是問題之處。
ADVERTISEMENT
