林奕匡今日（12日）現身中環出席展覽活動。（娛樂組攝）
林奕匡今日（12日）現身中環出席展覽活動，而今天亦是他踏入40歲生日的日子。林奕匡接受訪問表示：「有得工作，梗係開心！太太都有諗過想正日同我慶祝生日，但因為要做嘢，所以冇辦法，我聽啲人講加拿大嘅時間聽日先係(生日)，所以我其實可以慶祝兩日。」談及生日願望，他表示：「今年踏入四字頭，特別會多啲嘢諗，現階段做咗爸爸，最大嘅願望係兒子健康，最近佢都有少少唔舒服，作為我爸爸嘅我都擔心。」他指兒子最近腸胃不適。
林奕匡今天牛一，踏入40歲生日的大日子。（娛樂組攝）
被問到會否有計劃再生BB，林奕匡笑言：「現階段時間上嘅負荷都幾多吓，將來會唔會呢？就唔會排除可能性。」講到與太太李靄璣(Rikko) 是否有傾過計劃再生BB，他坦言：「我哋都有傾過，暫時都係照顧兒子為主。」他繼續分享前日兒子首次開口叫爸爸，並表示：「但我估佢唔知道係講乜，就大叫爸爸，我係開心到大嗌，但係冇喊。」
