林家梀相隔15年再演舞台劇，今日出席《等待果陀》記者會。(娛樂組攝)
林家棟今日出席舞台劇《等待果陀》記者會，早前黎宣離世，家棟亦有出席黎宣喪禮，他表示稱對方為師母，因昔日的訓練班老師正是其丈夫高宏，「其實咁多年嚟都有不定期同佢哋飲茶，佢呢十多年都已經比較吃力，但師父照顧得好好，其實師母走嘅時候我喺度，我半夜收電話就過咗去，睇到佢都安然，我哋惟有安慰老師，因為老師都已九十幾歲。」
林家棟表示，與師父師母有很多共同回憶，因為自訓練班畢業至今，同屆同學如黃德斌、黎芷珊都有跟他們一起做節食飯，「我覺得可惜，有點戚戚然…..」說到此時，他一度哽咽，問到日前中秋節可有陪師父過節，家棟就表示沒有，因為對方女兒從外國回港，不打擾他們一家相聚平安，他讀說：「老師好錫我哋，到而家都幫我哋睇劇本，傾偈同分享經驗，人情好深厚，所以佢嘅離開，個心有啲痛。」
ADVERTISEMENT
