家謙同觀眾講，大家都估唔到昨晚嘉賓是Kiri T。
林家謙演唱會昨晚(27日)來到第7場，嘉賓是女歌手Kiri T。他表示：「我發覺Threads都好似夏天，好豐富好多嘢睇，有好有唔好啦，奇奇怪怪又有。」他再說save低網上攻擊post。
「Theards數據推比我啲嘢，大多數都係好嘢。但呢兩年我有個習慣，好鍾意save低haters嘅post，我唔係小氣薄，亦唔係想反擊反駁。你見我好少喺網上同人嗌交，我寧願靜靜地做返好件事。我save係有兩個原因。其中一個係『留底擊傷你的石頭，從錯誤裡吸收』，呢個係Eason《葡萄成熟時》嘅教誨。另一個原因係呢啲唔鍾意我嘅haters，係有必要存在，留喺度平衡自己心理。」
化妝袋黑歷史
今次演唱會流傳過的嘉賓名單，計有白韻琴、陳展鵬、方伊琪，家燕媽媽等。家謙說：「今晚嘉賓都係流流地，唔信你一陣睇下，總之唔係姓白。」Kiri T出場，兩人合唱《至少做一件離譜的事》。家謙就同Kiri T講黑歷史。「我嗰陣個樣好核突，做完嗰個騷，我唔見咗個化妝袋，心諗死啦，要買過晒化妝品。你記唔記得，我周圍搵人問有冇見過我個袋。」
Kiri T說：「我好似答咗你哈哈哈三個字。其實我哋6年前有張合照，不如再影一次人生第2張合照。」之後Kiri T攞出兩人在6年前的音樂會海報，叫家謙簽名送給觀眾，他更代簽埋海報上陳蕾等人的簽名。
立即更新/下載AM730手機APP 體驗升級功能
