林家謙《White Summer 》第6場請來楊千嬅擔任嘉賓。
林家謙《White Summer 》演唱會昨晚(26日)於紅館舉行第6場，請來楊千嬅擔任嘉賓，兩人合唱由林家謙作曲的《余春嬌》後，再雙雙座在舞台上，對著音樂總監蔡德才，合唱千嬅與蔡德才的舊作《小飛俠》，繼而兩人再合唱《再見二丁目》，家謙透露年頭心情麻麻，獨自出走台灣，靠這首歌紓解情緒，「多謝你(千嬅)、多謝阿Yu(于逸堯作曲)、多謝夕爺(林夕填詞)，當年做左呢隻歌。」
林家謙台上多謝楊千嬅，他坦言非常開心，「今次呢個嘉賓環節，其實我想請喺我音樂上很有淵源嘅朋友嚟。你係其中一位，好早時候，你已經係one of 其中一位，肯去用我嘅作品，多謝你。」千嬅笑答：「你寫得好啫。」家謙答道：「唔係㗎，喺初初，就算寫得好都未必咁容易被人見到，所以多謝你當年用左呢首歌。」兩人所說的正是《余春嬌》，即是家謙的《在空中的這一秒》，千嬅坦言之前兩人是網友，昨晚才第一次跟家謙見面，她表示很欣賞林家謙的唱歌和作曲風格，唱他的作品甚有挑戰性。她形容《余春嬌》這首歌是演員的生涯中，一個很重要的紀錄，一個里程碑，「余春嬌帶給我很多演出上的肯定，我亦很有緣分，可以得到你的曲同黃偉文(Wyman) 的詞，做咗呢隻用戲名裡面角色名的一首歌，所以我要多謝你先啱。」
接著，家謙又再道出邀請千嬅的第二原因，「適逢我今日音樂總監， 當年同你有首合唱歌，佢係蔡德才(Jason)。」千嬅開心道：「係Jason，好開心呀，今日來rehearsal的時候見到已經好開心。」家謙笑言猶如重回唱卡拉OK的日子：「我覺得呢個真係一個好好嘅Re-U。」千嬅感動道：「Jason其實寫了很多作品給我，大家耳熟能詳的《飛女正傳》、《數你》都是出自佢作品，所以今天很有意思，我好多謝家謙開了這道門俾我哋，好感動，好開心，死啦！我都唔知可以講咩啦。」家謙自爆6歲已聽《小飛俠》，又被蔡德才踢爆曾翻唱《小飛俠》，千嬅驚訝問道：「6 歲你就聽我啲歌？咁有智慧，我大你一對加5年㗎喎！」繼而兩人走到Jason 面前，坐於舞台上，由Jason彈琴，3人繼而合唱《小飛俠》。
林家謙與楊千嬅、蔡德才等合照。
體會「原來我非不快樂」
隨後，家謙剖白心情，「本身千嬅好好，佢話可以配合呢個主題唱《夏天的故事》，但係以下呢首歌（《再見二丁目》），係我野蠻要唱嘅，呢首歌其實對我來講，係有啲感受，今年年頭有啲唔開心，我就走了去台灣幾日散心，一路都係聽住呢首歌，呢首歌真係好感動我。我發覺『原來我非不快樂』，就comfort返自己，所以好多謝你(千嬅)、多謝阿Yu、多謝夕爺，當年做左呢隻歌。」
立即更新/下載AM730手機APP 體驗升級功能
