家謙攞住Karen在1996年推出的第2張個人專輯《全身莫文蔚》。
林家謙《White Summer》演唱會昨晚(24日)來到第5場，莫文蔚(Karen Mok)特意從意大利回港擔任嘉賓。Karen出場時，家謙興奮表示：「多謝你特登由意大利飛返嚟！」Karen就說：「好開心多謝你邀請我。上次我哋合作係5、6年前，疫情個陣……今次你叫我，我點都要飛返嚟支持你。」
家謙分享Karen的音樂是他成長時期的重要性，更透露童年時因哥哥經常播放她的歌曲，甚至半夢半醒都聽緊莫文蔚。莫文蔚笑稱：「唔怪得你音樂咁出色啦！」之後家謙提到6歲時首次見到Karen的《全身莫文蔚》專輯封面，非常好奇：「個陣細個會諗，究竟係衫定係布？定係身體？細個未上堂，唔知係咩嚟嘅……」他更即場拿出實體碟展示，「其實我帶咗嚟，可唔可以俾大家睇？你會唔會尷尬？」Karen大方回應：「15歲以上可以睇㗎！你91年出世，隻碟係96、97年出，你咁細個點解會聽呢隻碟，屋企又俾你買嘅？真係識貨。」
「唔好簽落個身度」
笑完一輪，家謙突然說：「我諗住下隻碟都係咁影」，現場再爆笑聲。Karen大笑：「係咪㗎，我會買呀。」家謙：「你咁重口味，唔好啦。」家謙拿實體碟請求Karen簽名，更抵死叫Karen：「你唔好簽落個身體到」。簽名完成，他興奮展示。林家謙表示接下來要唱他童年時期的「洗腦歌」，就是Karen的經典作品《冷雨》。他透露哥哥是DJ，家中播放這首歌不下幾千次，更稱為「我家的至尊歌」。兩人隨即合唱這首經典，一圓家謙夢想。
立即更新/下載AM730手機APP 體驗升級功能
