林家謙請鄧麗欣合唱《十分愛》及《心急人上》。
林家謙一共10場紅館個唱《White Summer》昨晚來到第四場，吸引蘇永康、余迪偉、曾比特與女友捧場。
林家謙每場均邀請一位女歌手擔任嘉賓，繼鄭秀文（Sammi）、陳凱詠（JACE）、梁詠琪（Gigi）之後，昨晚請來鄧麗欣（Stephy）驚喜站台。Stephy於第四晚encore環節登場，當響起《十分.愛》前奏，Stephy從四面台中央升到台上，全場立即瘋狂尖叫，兩人合唱完《十分.愛》之後，林家謙興奮表示願望成真，並稱聽Stephy歌曲由細聽到大，Stephy笑言近年已經聽慣這番說話。當Stephy笑問「細個即係幾歲？」時，林家謙即超速轉數：「六歲就渴望愛情呀，哈哈哈，冇咁細，我唔係 MC(張天賦)」引發全場大笑。
Stephy在台上多謝家謙為她創作《戲一場》，並表示：「開心收到家謙為我創作嘅《戲一場》，幫我寫呢首歌，佢不單出嚟同我傾計，又細心問我想要啲咩，又好快就寫好，個demo版本已經好好聽，我成日係屋企J 首 Demo， 依家都係我個 playlist 到。」林家謙知道Stephy有J其demo開心到話要寫入wikipedia，成為「被Stephy J過嘅男人」！Stephy 則回覆：「咁下次再多多合作啦！」林家謙幾乎係即刻答應：「得呀，我地合唱都得。」之後二人再合唱《心急人上》，將現場變成大型卡拉OK現場。林家謙分享：「呢首都係我童年回憶，以前同表姐們係K房一定會關燈跳唱呢首歌呀。今日表姐佢哋都有嚟呀，叫埋佢哋一齊跳，哈哈.....」Stephy則笑道：「我今日就係想睇你跳舞！上次你紅館演唱會，我有來睇呀！你啲舞蹈，真係睇到我嘩嘩聲，哈哈哈。」Stephy更指兩首作品均是林家謙主動提出要求合唱，希望可以再獲對方賜歌，家謙即建議下次不如一齊合唱。
立即更新/下載AM730手機APP 體驗升級功能
