林家謙被Kiri T問MBTI是甚麼時，他秒回是「KAML」。
林家謙合共10場《White Summer》紅館演唱會，已進入倒數階段的最後3場，家謙在第七場(27日)請來Kiri T擔任嘉賓，兩人重提6年前影海報相的黑歷史，當被Kiri T問及他的MBTI是甚麼時，家謙秒回：「KAML」，笑爆全場，不愧是「林家mean」，連自己都不放過。
最衰時刻 或是另一度門
眾所周知，林家謙是網癮少年，他在唱《普渡眾生》的talk位，不時分享自己「mon po」看演唱會網評的「得著」，並發現有人在網上發布其中學照片，於是在第5場(25日)公開回應：「唔知邊個擺上去，嗰時我係非常之不自信，我覺得嗰期係最kick最灰，因為啱啱考完會考……DSE好叻咩，DSE都會過，可能好快就EFG，所以唔好咁得戚……」家mean上身之後，林伯認真分享如何跨過會考放榜後的低潮期，「總之會考成績麻麻，咁就要轉校，嗰期嘅我係非常之kick同depress咗一兩個月啦，要適應新環境，我嘅人生係被合上咗盒，但係再一段時間再睇翻，原來呢個合埋嘅盒，喺我自我感覺好唔良好嘅時候，其實開咗另一個盒俾我，我喺嗰間學校學到更加多、睇到更加多、識咗更加多好好嘅朋友同學，所以我想講就係，無論係你啱啱考完試覺得成績唔係好掂喎，又要轉校或者點都好，呢一刻覺得好衰嘅時候，再過多一兩年睇翻，其實個天係開緊另一度門俾你。」
空中露臍的一秒
向來是「細節控」的林家謙，形容Threads就像夏天般豐富多彩，他在第6場的talk位提到，「前晚(25日)有人將我中學張相放出嚟，我唔見議大家睇嘅……有好有唔好啦，奇奇怪怪又有，唔知點解肚臍又上左去啦，玩手機又見到啦，有流料啦，有真有假啦！」原來他發現當唱《緊急應變逃生法》跳起時，被捕捉了露臍的一刻，於是他就在打底黑衫和肚子上寫著「No Photo（請勿拍照）」7個英文字，不少fans依然拍下「在空中的這一秒」廣傳，而林家謙就用肚臍作回應，在打底黑衫的「No Photo」下，寫上「禁示DOU沒用」來抗議，並畫了一個不開心的emoji，且看創意無限的林家謙今晚(29日)有甚麼新點子。
立即更新/下載AM730手機APP 體驗升級功能
