林德信今日（15日）父親節出席本地男士服裝品牌。（娛樂組攝）
林德信於今日（15日）父親節出席本地男士服裝品牌，他接受訪問表示：「我老婆都好鍾意衫嘅，我哋嘅衣櫃唔夠位要大啲嘅衣櫃。」他指現在與老婆分別擁有的衣服各佔家中範圍一半。講到兒時是否仿效父親林子祥的穿搭方式，他回應：「佢都好鍾意衫，但係個style就唔同，佢就真係冇變過，不過最有趣嘅地方就係佢嘅style現階段又好流行。」
林德信透露女兒現階段非常喜歡出街食飯。（娛樂組攝）
林德信首過父親節約齊家人餐聚
提到父親節來臨，他說：「今年係我第一次慶祝父親節，好開心今日可以工作，今晚就約晒屋企人食飯，呢一個就係好Perfect嘅安排。」他透露女兒現階段非常喜歡出街食飯，並笑言：「會令到一班親戚好開心。」他繼續分享女兒現時只懂說嬰兒的說話，不過他感覺女兒能夠聽懂大人的說話。談及父親林子祥是否會爭取時間探望可愛的孫女（林明），他表示：「會㗎！現階段所有親戚都會爭住嚟玩。」被問到葉蒨文會否也有經常送上禮物，他直言：「佢好鍾意買一啲唔同Baby嘅食物，就睇吓BB鍾意食咩款。」
至於工作方面，他指正在忙於製作專輯：「對上一次出碟10年前，同埋好耐冇出過廣東話嘅碟，大概就會想做四至五首歌。」講到會否擔心唱片銷量成績，他說：「擔心㗎！我覺得現階段做音樂都好難，但係始終音樂係一個夢想，一個有熱誠嘅project，所以點都要做。」
