歐倩怡爆女兒曾因轉校情緒崩潰。
現年45歲的歐倩怡與郭晉安去年5月突然宣布離婚，結束18年婚姻，二人育有一子一女，細女郭以雅現時13歲。歐倩怡日前以註冊運動營養學家身份拍攝HOY TV節目《健康關注組》，大談學童情緒問題，當中提到細女曾因上學，情緒崩潰。
歐倩怡指細女曾在幼稚園階段，因轉校而情緒崩潰，她指當時細女由國際學校轉去傳統學校後，經常出現肚痛、嘔吐等反應，初時以為食錯嘢，但持續了很長的時間，後來求醫才發現可能是心理壓力。
歐倩怡續分享細女的情況其後越來越嚴重，「有次套校服洗乾淨、熨好，我預備掛返喺衣櫃嘅時候，她咁啱經過房門口，見我拎住件校服，佢就以為要返學。佢即刻好驚、喊，佢拉住我隻腳跪喺地下喊，話『唔返學呀、唔返學呀』，可能呢間學校……我平時送完佢返學，我唔知，原來有好大壓力，我唔知係同學溝通問題，定學業壓力。」及後，歐倩怡帶細女求醫，尋求專業協助，而她自此亦有多花時間陪伴，讓女兒慢慢適應校園生活。
歐倩怡與郭晉安去年5月突然宣布離婚，結束18年婚姻。
立即更新/下載AM730手機APP 體驗升級功能
