江若琳（Elanne）今日（2日）出席「江若琳 THE WITNESS 心的見證演唱會2025 記者招待會」。（娛樂組攝）
江若琳（Elanne）今日（2日）出席「江若琳 THE WITNESS 心的見證演唱會2025 記者招待會」，Elanne接受《am730》訪問表示：「今日係記者會嘅大日子，我覺得好感動，終於都出演唱會海報，一直好想同大家分享。我好緊張唔小心提早將演唱會海報公開，因為我之前試過發生啲咁嘅事。」她繼續指現階段做每件事都會以輕鬆的心態去面對。
江若琳預告演唱會將會勁歌熱舞。（娛樂組攝）
指前舊公司寄回音樂母帶大感震撼
講到演唱會海報的構思，Elanne分享：「點解會喺個海中間影海報，因為大家知道我人生經歷咗好多驚濤駭浪，個場景喺水中，呢件衫都唔係好華麗，都算係白色嘅裙，走過咗好多人生唔同嘅路程，終於有機會重生。」她透露當時在拍攝海報的時候非常艱辛，並表示：「因為嗰段路好跣，所以有幾個工作人員都跣低咗，同埋都有受傷。我揀咗過千張相先揀到演唱會張海報，可能之後都會陸續出啲靚相。」提到最近在社交網分享舊公司寄回音樂母帶一事，Elanne興奮分享：「開演唱會前突然之間話俾我聽可以攞返，好似親生仔女會返嚟身邊。喺個過程裏面我要溫習自己啲舊歌，例如有首歌叫做《不是娃娃》，簡直係經典中嘅經典，嗰一日嘅感覺好震撼。」她透露昔日的作品會在串流平台重新上架。
江若琳強調排舞期間不會邀請兒子探班。（娛樂組攝）
至於會否邀請老公蕭唯展（Oscar)擔任演唱會嘉賓，Elanne直言：「冇呀，佢警告我唔可以搞佢，千祈唔可以搵佢做任何嘢，佢仲話淨係可以送花同埋照顧阿仔。咁我真係要多謝我老公同我一齊攜手衝過終點。」談及演唱會是否會勁歌熱舞，Elanne說：「我要將啲歌重新編曲先，可能而家聽都未必啱呢個年代，重新編曲再有型啲，有啲唔同嘅感覺，到時候就會有驚喜。」她強調排舞期間不會邀請兒子探班，並笑言：「佢一喺度我就一定專心唔到，我就會好想照顧佢同埋忍唔住搵佢。」
ADVERTISEMENT
20周年「全城撐本地消費3重大激賞」！ 即睇活動詳情！
